15.01.2026 | 19:15
Լիտրը 270 դրամ․ ինչու է հեղուկ գազը օր օրի թանկանում. ՏԵՍԱՆՅՈՒԹ
Ռուբեն Ռուբինյանի գլխավորած պատվիրակությունը Վարշավայում հանդիպել է Լեհաստանի Սենատի մարշալեկ Ստանիսլավ Կարչևսկու հետ
Քաղաքականություն
04.07.2019 | 17:21
ՀՀ Ազգային ժողովից տեղեկացնում են, որ ԱԺ արտաքին հարաբերությունների մշտական հանձնաժողովի պատվիրակությունը՝ Ռուբեն Ռուբինյանի գլխավորությամբ hուլիսի 3-ին հանդիպել է Լեհաստանի Հանրապետության Սենատի մարշալեկ Ստանիսլավ Կարչևսկու հետ:
«Հանդիպման ընթացքում կողմերը բարձր են գնահատել ՀՀ ԱԺ-ի և ԼՀ Սենատի ոլորտային հանձնաժողովների միջև փոխգործակցությունը և համատեղ նիստերի անցկացման ավանդույթի շարունակականությունը՝ ընդգծելով, որ վերոնշյալը վկայում է հայ-լեհական օրակարգի առավել խորացման ու հարստացման ուղղությամբ գործնական քայլեր ձեռնարկելու փոխադարձ պատրաստակամության մասին: Այս համատեքստում Ռուբեն Ռուբինյանը վերահաստատել է նաև պատգամավորական բարեկամական խմբերի միջև առավել ակտիվ փոխգործակցության հանձնառությունը՝ ի նպաստ երկու երկրների խորհրդարանների միջև կապերի առավել խորացման:
Կողմերը բարձր են գնահատել հայ համայնքի նշանակությունը Լեհաստանի հասարակական-քաղաքական կյանքում՝ ընդգծելով նրա կամրջող դերը հայ-լեհական օրակարգում:
Անդրադարձ է եղել նաև Հայաստան-Եվրամիություն գործընկերությանը, շեշտվել Համապարփակ և ընդլայնված գործընկերության համաձայնագրի նշանակությունը: Արևելյան գործընկերության 10-ամյակի համատեքստում ընդգծվել է ձեռբերումներն ամրապնդելու և հաջորդ 10-ամյակի համատեղ աշխատանքներն ուրվագծելու կարևորությունը: Երկուստեք արժևորվել է նաև փոխադարձ շփումների խթանումը, տարբեր ոլորտներում փոխգործակցության ակտիվացումը՝ որպես պետությունների միջև կապերի ամրապնդման առանցքային գործոն»,- ասված է հաղորդագրությունում:
