19.04.2026 | 18:15
Փոփոխություններ՝ ՀՀ պետական և ոչ պետական բուհեր ըստ բակալավրի ու անընդհատ և ինտեգրացված կրթական ծրագրերի ընդունելության կարգում
Ինչի՞ կհանգեցնի նվազագույն աշխատավարձի բարձրացումը. տնտեսագետի մեկնաբանությունը. ՏԵՍԱՆՅՈՒԹ
Տնտեսություն
04.07.2019 | 12:24
Կառավարության և Ազգային ժողովի իշխող խմբակցության որոշ պատգամավորների՝ նվազագույն աշխատավարձը բարձարցնելու նախաձեռնությունը ողջունելի է։ Այս մասին այսօր «Նվազագույն աշխատավարձը կտրուկ աճում է. նախաձեռնության սոցիալական արդյունքները» թեմայով քննարկմանն ասաց տնտեսագետ Վահագն Խաչատրյանը։
«Եթե կա նվազագույն աշխատավարձ և այն չի համապատասխանում ընդունված չափորոշիչներին, ըստ որոնց՝ պետք է կազմի միջին աշխատավարձի 38-40 տոկոսը կամ նույն կենսաթոշակի դեպքում, եթե չի լինում 38-40 տոկոսը, կամ եթե նվազագույն սպառողական զամբյուղն ավելի պակաս է լինում, ապա այդ մասին ընդհանրապես խոսելը ծիծաղելի է»,- նշեց տնտեսագետը։
Վահագն Խաչատրյանը համոզված է՝ նվազագույն աշխատավարձերի բարձրացման համար նախատեսված միջոցները կրկին վերադառնալու են բյուջե։
Հիշեցնենք, որ ՀՀ Կառավարությունն օրեր առաջ ընդունեց նվազագույն աշխատավարձը 55 հազար դրամից 68 հազար դրամ դարձնելու մասին նախագիծը։ Թեպետ կառավարող «Իմ քայլը» խմբակցության պատգամավորներն առաջարկում էին 55 հազար դրամից բարձրացնել 63 հազարի, սակայն Կառավարությունը հաստատեց աշխատանքի և սոցիալական հարցերի նախարարության առաջարկած 68 հազար դրամ նվազագույն աշխատավարձի չափը:
Մանրամասները՝ տեսանյութում:
