18.09.2026 | 18:02
Բաքվում մահացած է հայտնաբերվել ԱՄՆ բանակի ադրբեջանցի զինծառայող
Սփյուռքի հարցերով հանձնակատարի գրասենյակի աշխատակազմն ավելացել է. նախկին 25-ը չի լինի. ՏԵՍԱՆՅՈՒԹ
Քաղաքականություն
03.07.2019 | 19:17
Սոցիալական ցանցերում այնքան բաներ են խոսում, ես չգիտեմ՝ ինչի մասին է խոսքը: Լրագրողների հետ զրույցում ասաց ՀՀ սփյուռքի գործերի գլխավոր հանձնակատար Զարեհ Սինանյանը՝ պատասխանելով հարցին, թե ճի՞շտ են հրապարակումները, որ իր նշանակումը սփյուռքում միանշանակ չի ընդունվել:
Դիտարկմանը, թե տեղեկություններ են եղել, որ ինքը ՀՅԴ-ի շահերն է առաջ տարել ԱՄՆ-ում, երբ այնտեղ պաշտոնական այցով է եղել սփյուռքի նախկին նախարար Մխիթար Հայրապետյանը, Սինանյանն արձագանքեց, որ 13 տարի հասարակական գործունեությամբ է զբաղվել, քաղաքական գործիչ է, կարող են լինել անձինք, ովքեր իրեն չսիրեն, և դա նորմալ է համարում:
«Մարդիկ կարծիքների իրավունք ունեն: Ես եղել եմ Գլենդելի քաղաքապետ և ներկայացրել եմ այնտեղի քաղաքացիների շահերը: Իսկ ինչ ասում եք Մխիթար Հայրապետյանի մասին, դա նրա հետ պարզեք, ես չեմ հիշում այդպիսի բան»,- ասաց նա:
Ինչ վերաբերում է հանձնակատարի գրասենյակին, Սինանյանն ասաց, որ իր տեսլականը 50 աշխատակից ունենալն է, բայց գրասենյակն ամբողջովին դեռևս չի ձևավորվել:
«Գտնում եմ, որ 50 հոգով կարող ենք շատ լավ աշխատել: Մենք բյուջե չունենք, վարչապետի գրասենյակի բյուջեի մի մասն ենք կազմում: Գլխավոր խնդիրը Սփյուռքի հետ հարաբերությունների ամրապնդումն է, այս պահին վերականգնում ենք վստահությունը Հայաստանի նկատմամբ, որ առաջացել էր նախորդ իշխանությունների վարած քաղաքականության արդյունքում»,- հայտարարեց նա:
Հարցին՝ ինչո՞ւ թողեց ԱՄՆ-ն և եկավ ՀՀ, ի՞նչը գրավեց, նա արձագանքեց՝ Հայրենիքը և Հայրենիքի զարգացման մեջ գործ ունենալու ցանկությունը. «Հաստատ գիտեմ, որ կարող եմ լավ աշխատել և աշխատանքով պետք է ցույց տամ՝ լավ ընտրություն է եղել, թե ոչ»:
Մանրամասները՝ տեսանյութում:
Նարեկ Կիրակոսյան
