08.11.2026 | 15:18
ՌԴ հարվածներից հետո Դնեպրոպետրովսկի մարզի ավելի քան 600 հազար բնակիչ մնացել է առանց էլեկտրականության
Ռուսաստանն ավարտել է Ka-32 ուղղաթիռները Թուրքիա մատակարարելու գործընթացը
Քաղաքականություն
03.07.2019 | 18:23
Ռուսաստանը հայտարարել է, որ պայմանագրով նախատեսված ռուսական արտադրության Ka-32 երեք բազմաֆունկցիոնալ ուղղաթիռների մատակարարումը Թուրքիա ավարտվել է: Այդ մասին հայտնել է ռուսական պետական պաշտպանական արդյունաբերության կազմակերպության` «Rostec»-ին կից «Vertolety Rossii» հոլդինգի գլխավոր տնօրեն Անդրեյ Բոգինսկին. գրում է ermenihaber.-ը:
Միջանկյալ նշենք, որ Ka-32 ուղղաթիռների մատակարարման վերաբերյալ պայմանագիրը Ռուսաստանի և Թուրքիայի միջև կնքվել էր 2018-ին:
Բոգինսկին հայտնել է, որ ներկայում քննարկումներ են ընթանում նոր մատակարարումներ իրականացնելու շուրջ:
Հիշեցնենք, որ Ka-32 բազմաֆունկցիոնալ ուղղաթիռներից մեկը Թուրքիային մատակարարվել էր այս տարվա փետրվարին: Այս ուղղաթիռներն օգտագործվում են նաև Կանադայում, Իսպանիայում,Պորտուգալիայում, Շվեյցարիայում, Չինաստանում, Հարավային Կորեայում և Ինդոնեզիայում:
