08.04.2025 | 14:22
ՀՀ ԱԺ պաշտպանության և անվտանգության հարցերի հանձնաժողովը խորհրդարանական լսումներ է նախաձեռնել
Պաշտոնյաները պետք է հիմնավորեն, թե որտեղից նվիրատվությունները, իսկ նախկին պաշտոնյաների հայտարարագրերը հասանելի կլինեն մեկ տարի. էթիկայի հանձնաժողովը լուծարվելու է
Քաղաքականություն
03.07.2019 | 15:49
Առաջիկայում Բարձրաստիճան պաշտոնատար անձանց էթիկայի հանձնաժողովը լուծարվելու է և փոխարենը ստեղծվելու է Կոռուպցիայի կանխարգելման հանձնաժողով։ Այն ունենալու է ավելի շատ լիազորություններ, քան Բարձրաստիճան պաշտոնատար անձանց հանձնաժողովը:
«Հանրային ծառայության մասին» ՀՀ օրենքում կատարված փոփոխությունների համաձայն՝ այսուհետ նաև հայտարարագիր են ներկայացնելու այն համայնքների ղեկավարները, որոնք ունեն 15 հազար և ավելի բնակչություն: Այս փոփոխությունը կատարվել է, քանի որ համայնքների խոշորացման արդյունքում միավորված համայնքի բնակիչների թիվը գրեթե բոլորի դեպքում հասնում է 15 հազարի: Արդյունքում բոլոր համայնքապետերը կներկայացնեն եկամտի և գույքի հայտարարագիր:
Նոր փոփոխություններով՝ պաշտոնյաների հետ փոխկապակցված անձինք պաշտոնյայի՝ պաշտոնը ստանձնելիս ևս ունեցվածքի հայտարարագիր կներկայացնեն: Նախկինում ընտանիքի անդամները կամ համատեղ բնակվող անձինք միայն պաշտոնյայի տարեկան հայտարարագիր ներկայացնելու և պաշտոնը դադարեցնելու ժամանակ էին հայտարարագիր ներկայացնում:
Այս ամենից զատ՝ այսուհետ նվիրատվություն ստացած պաշտոնյաները պետք է հիմնավորեն, թե ով և ինչու է իրենց թանկարժեք գույք կամ խոշոր դրամական միջոցներ նվիրաբերել:
Սակայն Factor.am-ին հայտնի դարձավ, որ այս առաջարկությունը կառավարությունում քննարկվում է և դեռ հստակ որոշված չէ՝ նշյալ տեղեկությունը հասանելի կլինի՞ բոլորին՝ կայքում հրապարակված, թե՞ միայն հանձնաժողովին:
Իսկ ամենաուշագրավ փոփոխությունը լինելու է այն, որ այլևս չի գործելու նախկին պաշտոնատար անձանց հայտարարագրերի արխիվը: Պաշտոնը դադարեցնելուց մեկ տարի հետո նրանց ունեցվածքի մասին տեղեկությունները կհեռացվեն համապատասխան կայքից: Սա մեկնաբանվում է այն հանգամանքով, որ տվյալ անձն այլևս պաշտոնյա չէ:
Նարեկ Կիրակոսյան
