01.11.2026 | 20:00
Ինչի համար են համատիրությունները․ Ավինյանն ասում է՝ «պորտաբույծներ» են․ կեղտոտ «պադիեզդի» ՇԵՐՏԵՐԸ
Նոր մարմնի ստեղծումը ենթադրում է ՀՔԾ-ի լուծարում․ Սասուն Խաչատրյան. ՏԵՍԱՆՅՈՒԹ
Հասարակություն
01.07.2019 | 10:50
Կարծում եմ, որ դրական առումով փոփոխություններ կան: Դատախազությունում լրագրողների հետ զրույցում այսօր ասաց ՀՔԾ պետ Սասուն Խաչատրյանը՝ պատասխանելով հարցին, թե հեղափոխությունից հետո դատախազական համակարգում փոփոխությունները նկատելի՞ են։
Սասուն Խաչատրյանը, միաժամանակ, ո՛չ հաստատեց, ո՛չ հերքեց լուրերը, որ Արցախի նախագահ Բակո Սահակյանը Մարտի 1-ի գործի շրջանակում հարցաքննվել է։
Factor.am-ի հարցին՝ քննարկվում է ՀՔԾ-ի առաջիկայում լուծարվելու տարբերակը, Սասուն Խաչատրյանն արձագանքեց. «E-draft.am կայքում արդեն հրապարակվել է հակակոռուպցիոն ռազմավարությունը։ Եթե այդ նախագիծը կարդաք, կտեսնեք, որ նոր հակակոռուպցիոն մարմնի ստեղծումը ենթադրում է ՀՔԾ-ի լուծարում։ Բայց դա դեռևս նախագիծ է, կոնկրետ օրենք այս պահին շրջանառության մեջ դրված չկա։ Կապրենք, կտեսնենք»:
Հստակեցնող հարցին՝ պաշտոնին հրաժե՞շտ է տալու, Սասուն Խաչատրյանը պատասխանեց՝ դա ինքը չի որոշում: Դիտարկմանը, որ ըստ լուրերի՝ նոր ստեղծվելիք մարմնի ղեկավարն ինքը չի լինելու, պաշտոնյան պատասխանեց. «Կոռեկտ չէ նման բաների մասին հիմա խոսեմ, որովհետև այդ հարցը ես չեմ լուծում»։
Մանրամասները՝ տեսանյութում:
Նարեկ Կիրակոսյան
