09.10.2026 | 17:52
Գոյություն չունեցող ընկերությունները հաղթել են 80 մրցույթում և խափանել 3,2 մլրդ դրամի գնումներ․ ՊՎԾ
Ռոբերտ Քոչարյանը կշարունակի մնալ ռուսական «Սիստեմա»-ի տնօրենների խորհրդում
Տնտեսություն
29.06.2019 | 18:13
Ռոբերտ Քոչարյանը պահպանել է իր տեղը ռուսական «Սիստեմա» բաժնետիրական ֆինանսական կազմակերպության տնօրենների խորհրդի կազմում։ Այս մասին տեղակացնում է Ռիա Նովոստին։
«Սիստեմայի» հիմնական բաժնետեր և սեփականատեր Վլադիմիր Եվտուշենկովը հայտարարել է, որ Հայաստանի նախկին նախագահ Ռոբերտ Քոչարյանը, որը ձերբակալված է, մնացել է «Սիստեմայի» տնօրենների խորհրդում, որովհետև կազմակերպությունը գտնում է, որ նրա դեմ հարուցված քրեական գործը քաղաքական ենթատեքստ ունի։
« Ես ուզում եմ մի տեղեկատվություն հաղորդել։ Գիտեք, որ երկար տարիներ մեզ մոտ անփոփոխ տնօրենների խորհրդի անդամ է եղել ՀՀ նախկին նախագահ Ռոբերտ Քոչարյանը։ Այսօր, ինչպես գիտեք, նա կրկին ձերբակալված է։ Մենք գտնում ենք, որ առաջինը՝ մեղադրանքը, երկրորդ՝ ընթացող պրոցեսը ակնհայտ քաղաքական է։ Մենք հարմար գտանք նրան ներառել տնօրենների խորհրդի նոր կազմում, առավել ևս, որ նա համաձայնություն է տվել, այն ժամանակ, երբ գտնվում էր ազատության մեջ։ Այդ պատճառով էլ մենք գտնում ենք, որ սա ճիշտ է։ Ես ձեզ տեղեկացնում եմ, որ նման որոշում է կայացվել»,- ասել է Եվտուշենկովը «Սիստեմայի» բաժնետերերի տարեկան ժողովի ժամանակ։
Էմմա Չոբանյան
