07.10.2026 | 16:20
Հայաստանի Կիոկուշին կարատեի ֆեդերացիան կանցկացնի «Սամուրայ» մրցաշարը
«Ոսկե ծիրան» փառատոնն ամենակարևորներից է. Ժոնաթան Լաքոթ. ՏԵՍԱՆՅՈՒԹ
Մշակույթ
28.06.2019 | 17:24
«Ոսկե ծիրան» փառատոնն ամենակարևորներից է։ Այն մեզ թույլ է տալիս բացահայտել միջազգային կինեմատոգրաֆիայի բազմազանությունը, որի անբաժան մասը ֆրանսիական կինոն է։ Այս մասին «Ոսկե ծիրան» 16-րդ միջազգային կինոփառատոնի՝ դեսպանությունների և միջազգային կազմակերպությունների հետ համագործակցության մասին ասուլիսի ընթացքում նշեց Հայաստանում Ֆրանսիայի արտակարգ և լիազոր դեսպան Ժոնաթան Լաքոթը։
«Այս տարի ներկայացվող 110 ֆիլմերից 23-ը ֆրանսիական կամ Ֆրանսիայի հետ համատեղ արտադրության են։ Դրանց թվում՝ 2017 թվականին Բեռլինի կինոփառատոնում «Ոսկե արջի» արժանացած Նադար Լապիդի «Հոմանիշները» ֆիլմն է»,- նշեց Լաքոթը։
Ըստ նրա՝ ինչպես ամեն տարի, այս տարի ևս կինեմատոգրաֆիայի ֆրանսիացի մասնագետներ կժամանեն Հայաստան։
«Ուրախ ենք այս փառատոնի գործընկերը լինելու համար։ Ֆրանսիական կինեմատոգրաֆիան և նրա բազմազանությունն այս տարվա ծրագրում բավականին լավ են ներկայացված»,- ընդգեց դեսպանը։
Նրա խոսքով՝ «Ոսկե ծիրան»-ն այս տարի ևս մեկ անգամ կհաստատի, որ այն տարածաշրջանում կինեմատոգրաֆիայի կարևոր հանդիպումներից է։
Լաքոթը հավելեց, որ փառատոնի ընթացքում Հայաստանում Ֆրանիայի դեսպանատան հետ համագործակցությամբ «Talent Lab» ծրագրի շրջանակում նաև վարպետության 4-օրյա դասեր կանցկացվեն։
Մանրամասները՝ տեսանյութում:
Նելլի Մելքոնյան
