14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
Այս տարի ավելի հարուստ առաջարկներով ենք հանդես գալու. ՀՀ-ում Լեհաստանի դեսպանը՝ «Ոսկե ծիրանի» մասին
Մշակույթ
28.06.2019 | 17:02
«Ոսկե ծիրան»-ը համարում ենք տարածաշրջանի ամենակարևոր փառատոնը և ուրախ ենք համագործակցության համար։
Այս մասին «Ոսկե ծիրան» 16-րդ միջազգային կինոփառատոնի՝ դեսպանությունների և միջազգային կազմակերպությունների հետ համագործակցության մասին ասուլիսի ընթացքում նշեց Հայաստանում Լեհաստանի արտակարգ և լիազոր դեսպան Պավել Չեպլակը։
«Այս տարի ավելի հարուստ առաջարկներով ենք հանդես գալու։ Համագործակցելու ենք Ադամ Միցկևիչի ինստիտուտի և լեհական կինոինստիտուտի հետ»,- նշեց դեսպանը։
Նրա խոսքով՝ փառատոնին ներկա է լինելու դերասան Յան Նովիցկին, որը ճանաչված է նաև հունգարական կինոարտադրության մեջ։
Դեսպանը նաև հավելեց, որ հուլիսի 5-9-ը մոնտաժի ինտենսիվ դասընթացներ տեղի կունենան վեց կինոնախագծերի համար, որոնք կվարեն Լոձի համալսարանի դասախոսները։ Ըստ նրա՝ Լեհաստանից հրավիրված կինոմասնագետներն իրենց փորձով կկիսվեն հայ գործընկերների հետ։
Մանրամասները՝ տեսանյութում:
Նելլի Մելքոնյան
