14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
Վիեննայում տեղի ունեցած պայթյունից հայեր չեն տուժել. ՀՀ դեսպանություն
27.06.2019 | 18:13
Վիեննայում տեղի ունեցած պայթյունի հետևանքով հայեր չեն տուժել: Այս մասին հաղորդագրություն է տարածել Ավստրիայում ՀՀ դեսպանությունը: Հաղորդագրությունը՝ ստորև.
«Ս. թ․ հունիսի 26-ին Վիեննայի Wieden թաղամասի /Preßgasse/Schäffergasse/ բնակելի շենքերից մեկում տեղի է ունեցել պայթյուն, որի պատճառը, ավստրիական մամուլի հրապարակումների համաձայն, գազի արտահոսքն էր: Ըստ նախնական տվյալների, կա 1 զոհ եւ շուրջ 15 վիրավոր, 1 անձ որոնվում է:
Ավստրիայում ՀՀ դեսպանությունը նույն օրը կապ է հաստատել Ավստրիայի իրավասու մարմինների հետ՝ պարզելու, արդյոք պայթյունի հետեւանքով տուժածների թվում ՀՀ քաղաքացիներ կամ հայեր կան:
Քիչ առաջ Ավստրիայի ոստիկանությունից կապ հաստատեցին դեսպանության հետ՝ տեղեկացնելով, որ ներկա պահին տուժածների թվում ՀՀ քաղաքացիներ եւ հայեր չկան»:
