06.08.2026 | 11:47
«Մուլտի գրուպ» կոնցեռնի տնօրեն Արթուր Դալլաքյանը 2 ամսով կալանավորվեց
Բաղդադը Վաշինգտոնին թույլ չի տա իր ռազմաբազաներն օգտագործել Իրանի վրա հարձակման նպատակով. Բահրամ Սալիհ
Քաղաքականություն
26.06.2019 | 17:12
Իրաքի նախագահ Բահրամ Սալիհը հայտարարել է, որ Բաղդադը Վաշինգտոնին թույլ չի իր ռազմաբազաներն օգտագործել Իրանի վրա հարձակման նպատակով: Նա նաև քննադատել է Իրանի նկատմամբ ԱՄՆ-ի քաղաքականությունը, հաղորդում է Iran.ru-ն:
«Մենք չենք ուզում, որ մեր տարածքը միջանկյալ տարածք լինի ցանկացած թշնամական գործողությունների համար մեր որևէ հարևանի դեմ, այդ թվում՝ Իրանի»,- CNN-ին ասել է Բահրամ Սալեհին՝ նշելով, որ Բաղդադի և Վաշինգտոնի միջև որևէ համաձայնագիր չկա, որը կարող է Դոնալդ Թրամփին ստիպել մտածել, որ կարող է օգտագործել Իրաքի տարածքը:
Սալիհը հիշել է իր երկիր ամերիկյան ներխուժման դառը փորձի մասին՝ Վաշինգտոնին հիշեցնելով, որ դյուրին է պատերազմ սկսել՝ չմտածելով հնարավոր հետևանքների մասին. «Պատերազմ սկսելը դյուրին է, բայց շատ, շատ դժվար է այն ավարտելը»:
Փետրվարին Դոնալդ Թրամփը հայտարարել էր, որ շուրջ 5.000 զինծառայող պետք է մնա Իրաքում՝ Իրանին ուշադիր հետևելու համար:
ԱՄՆ նախագահը, միաժամանակ, ասել էր, որ Իրաքը չի օգտագործվի որպես հարթակ՝ Իրանին հարվածելու համար:
