04.08.2026 | 23:29
Չժաո Լեցզին շնորհավորել է Ռուբեն Ռուբինյանին ԱԺ նախագահ ընտրվելու կապակցությամբ
«Ռոսատոմ»-ի «ՏՎԷԼ» ընկերությունը կհամալրի ՀԱԷԿ-ի միջուկային վառելիքի պաշարը. պայմանագիր է ստորագրվել
Տնտեսություն
26.06.2019 | 16:22
«Ռոսատոմ» կորպորացիայի «ՏՎԷԼ» վառելիքային ընկերությունն ու «ՏՎԷԼ» ԲԸ և «Հայկական ատոմային էլեկտրակայան» ՓԲԸ-ն 2019-2020 թթ. ռուսաստանյան միջուկային վառելիքի մատակարարման վերաբերյալ պայմանագրային փաստաթղթեր են ստորագրել:
Նախկինում, 2017թվականին կնքված փաստաթղթերի հիման վրա, էլեկտրակայանում ձևավորվել է միջուկային ռեզերվի պաշար։ Այս մասին տեղեկացնում է «Ռոսատոմ»-ի մամուլի ծառայությունը:
«Հիմնական պայմանագրի վերջին լրացումները թույլ կտան ոչ միայն ապահովել թարմ միջուկային վառելիքի՝ ՀԱԷԿ-ի ամբողջ պահանջը, այլև կայանի հարթակում համալրել դրա պահուստը, ինչը բարձրացնում է ռեակտորի ապահովման հուսալիությունը։ «ՏՎԷԼ» վառելիքային ընկերությունը հայ գործընկերներին ավանդաբար առաջարկում է միջուկային վառելիքի մատակարարման հարմարավետ պայմաններ։ Մենք հաշվի ենք առնում այդ թվում միակ ատոմային էներգաբլոկի շահագործման ժամկետի երկարացման ընթացիկ աշխատանքները, որոնք ժամանակավորապես սահմանափակում են էլեկտրաէներգիայի արտադրությունը»,- նշել է «ՏՎԷԼ»-ի կոմերցիոն և միջազգային բիզնեսի գծով ավագ փոխնախագահ Օլեգ Գրիգորևը։
