02.07.2026 | 11:38
Փորձ է արվում սահմանափակել ՀՀ քաղաքացիների իրավունքը․ Արծվիկ Մինասյանը՝ ընտրական ցենզի մասին․ ՏԵՍԱՆՅՈՒԹ
Սննդամթերքի պահպանման անհրաժեշտ կանոններն՝ ըստ մասնագետի
Հասարակություն
26.06.2019 | 18:09
Բժիշկ էնդոկրինոլոգ Հասմիկ Աբովյանը շոգ եղանակին խորհուրդ է տալիս հատուկ ուշադրություն դարձնել սննդամթերքի պահման սանիտարահիգիենիկ նորմերին, քանի որ բարձր ջերմաստիճանի պայմաններում վտանգավոր մանրէները բազմանում են ավելի արագ և մթերքները փչանում են շատ ավելի կարճ ժամանակում։
Այս մասին այսօր հրավիրված մամուլի ասուլիսի ժամանակ ասաց Աբովյանը՝ նշելով, որ սրանք են այն ամենապարզ միջոցները, որոնք կարելի է կիրառել։
Խոսելով ամռան եղանակին սպասռնացող վտանգների մասին՝ նա առանձնացրեց օրգանիզմի ջրազրկումը։
«Դա հատկապես կարող է արտահայտվել թունավորվելիս, որն ուղեկցվում է փսխումով և լուծով։ Այս գործոնը պետք է առաջին հերթին հաշվի առնվի ծնողների կողմից, քանի որ երեխայի համար քաշի 5 տոկոսի արագ կորուստը կարող է մահացու ելք ունենալ։ Այս առնչությամբ արժե ուշադրություն դարձնել ջրի որակի հարցին»,- ասաց նա՝ խորհուրդ տալով օգտագործել կամ եռացրած, կամ շշալցված ջուր։
էնդոկրինոլոգի խոսքով՝ կարևոր է նաև ամռանն օգտագործել որքան հնարավոր է ավելի շատ բանջարեղեն և մրգեր, որոնցում նույնպես ջուր է պարունակվում։
«Թարմ սառեցված մրգերում և բանջարեղենում պահպանվում են ավելի շատ վիտամիններ և հանքային նյութեր, ընդ որում՝ դա հատկապես վերաբերում է, այսպես կոչված, շոկային սառեցմանը, որն իրականացվում է պահածոների ձեռնարկություններում»,- ասաց նա։
