07.10.2026 | 14:45
Արմավիրի մարզում հրդեհային անվտանգության խախտումների պատճառով 4 գազաբենզալցակայան կապարակնքվել է
«Նոր պատգամավորները, նախորդների համեմատ, լավ հայերեն գիտեն ու թղթից չեն կարդում». Դավիթ Գյուրջինյան. ՏԵՍԱՆՅՈՒԹ
Տեսանյութեր
26.06.2019 | 15:18
Մեր նոր պաշտոնյաները, նախորդների համեմատ, հայերեն լավ գիտեն, սա չպետք է մոռանալ։ Այս մասին այսօր հրավիրված ասուլիսի ընթացքում նշեց Լեզվի կոմիտեի նախագահ Դավիթ Գյուրջինյանը։
«Հիմա մենք ազատ խոսք ենք լսում։ Նախորդ և խորհրդային շրջանի պաշտոնյաները կարդացել են, ազատ խոսք չեն ունեցել»,- նշեց Դավիթ Գյուրջինյանը։
Ըստ նրա՝ Կառավարության նիստի ընթացքում կամ Ազգային ժողովի ամբիոնից պետք է կանոնակարգված խոսք հնչի։ Սակայն, եթե մարդը սոցիալական ցանցի իր անձնական էջում է գրառում կատարում, վերահսկելիության չափը պետք է փոխել։
«Ազգային ժողովի նախագահ Արարատ Միրոզյանին նամակ-հորդոր ենք ուղարկել, որտեղ ներկայացրել ենք մեր նկատած օտարալեզու և ժողովրդախոսակցական բառերի ցանկը։ Բայց մենք չենք կարող ակնկալել, որ պետական պաշտոնյան լեզվաբանի պես խոսի»,- ընդգծեց Լեզվի կոմիտեի նախագահը։
Դավիթ Գյուրջինյանի խոսքով՝ սա սովորական համագործակցություն է, արտառոց ոչինչ չկա։
Մանրամասները՝ տեսանյութում:
Նելլի Մելքոնյան
