13.10.2026 | 22:55
Նոր Արեշի տներից մեկում հրդեհ է բռնկվել
«ՎիվաՍել-ՄՏՍ»-ն ու «ՅՈՒՔՈՄ»-ը ՀԾԿՀ-ի կողմից ճանաչվել են գերիշխող դիրք զբաղեցնող օպերատորներ
Տնտեսություն
26.06.2019 | 12:30
Հանրային ծառայությունները կարգավորող հանձնաժողովի մայիսի 26-ի նիստում «ՄՏՍ Հայաստան» («ՎիվաՍել-ՄՏՍ») փակ բաժնետիրական ընկերությունն ու ՅՈՒՔՈՄ սահմանափակ պատասխանատվությամբ ընկերությունը ճանաչվեցին գերիշխող դիրք զբաղեցնող օպերատորներ։
Համապատասխան որոշման նախագծերն ընդգրկված էին այսօրվա նիստի օրակարգում։
Հանձնաժողովի ընդունած որոշման մեջ նշված է, որ դեռևս 2019 թվականի ապրիլի 10-ին իրականացվել է հանրային իրազեկում՝ այս ընկերություններին մեծածախ շուկաներում գերիշխող դիրք զբաղեցնող օպերատորներ ճանաչելու մտադրության վերաբերյալ, որից հետո Տնտեսական մրցակցության պաշտպանության կոմիտեն ապրիլի 16-ին գրությամբ հայտնել էր, որ հարցերի վերաբերյալ չունի իրականացված ուսումնասիրություն, ուստի նշված հարցի վերաբերյալ չի կարող դիրքորոշում ներկայացնել, ինչից հետո է ՀԾԿՀ որոշել է այս ընկերություններին ճանաչել գերիշխող դիրք ունեցողներ։
Հանրային ծառայությունները կարգավորող հանձնաժողովի ընդունած որոշումներին կարող եք ծանոթանալ այստեղ և այստեղ։
