15.01.2026 | 23:35
Ավարտվել է ՀՀ շախմատի առաջնությունների 3-րդ խաղափուլը․ Զավեն Անդրիասյանը միանձնյա առաջատար է
Մանկապարտեզ չի․ ԱԺ փոխնախագահը՝ Արման Բաբաջանյանի ելույթից հետո դահլիճը լքած Լևոն Յոլյանին
Քաղաքականություն
24.06.2019 | 17:18
Ազգային ժողովի «Լուսավոր Հայաստան» խմբակցության պատգամավոր Արման Բաբաջանյանն այսօր իր ելույթում անդրադարձավ Հաշվեքննիչ պալատի նախագահ Լևոն Յոլյանի գործունեությանը, ԱԺ ամբիոնից թվարկեց ընկերությունների անուններ, որտեղ, ըստ պատգամավորի, բաժնեմաս ունեն Լևոն Յոլյանն ու նրա կինը։
Պատգամավորն իր ելույթի վերջում Լևոն Յոլյանին անվանեց պերսոնա նոն գրատա և նրան խորհուրդ տվեց իր ամփոփիչ ելույթը վերածել հրաժեշտի տեքստի։
Բաբաջանյանի ելույթից հետո Լևոն Յոլյանը լքել էր նիստերի դահլիճը, իսկ երբ վերադարձավ ԱԺ փոխնախագահ Ալեն Սիմոնյանը նկատեց․
«Պարոն Յոլյան, շնորհակալություն, որ վերադարձաք։ Ես ձեզ խնդրում եմ, ԱԺ պատգամավոր է խոսում և խոսքը վերաբերվում է Ձեզ, ես չեմ պատկերացնում, թե այդ ինչ հրատապ գործ պետք է լինի, որ դուք դահլիճում չլինեք, երբ որ… սա բան չի, մանկապարտեզ չի, որ դուք պետք է դուրս գաք, երբ որ մեծությամբ երկրորդ խմբակցության պատգամավոր է խոսում։ Խնդրում եմ, մի լքեք դահլիճը։ Դա վերաբերմունք է նաև»,- ասաց Սիմոնյանը։
