07.10.2026 | 14:45
Արմավիրի մարզում հրդեհային անվտանգության խախտումների պատճառով 4 գազաբենզալցակայան կապարակնքվել է
Հայկական 3 ավիաընկերություն պատրաստակամ է մասնակցել ռուս և վրացի ժողովուրդների միջև ծագած ճգնաժամի կարգավորմանը. Հակոբ Ճաղարյան
Տնտեսություն
24.06.2019 | 13:33
ՀՀ վարչապետի ավիացիայի հարցերով խորհրդական Հակոբ Ճաղարյանը ֆեյսբուքի իր էջում արված գրառմամբ տեղեկացրել է, որ հայկական 3 ավիաընկերություն պատրաստակամ է մասնակցել ռուս և վրացի ժողովուրդների միջև ծագած ճգնաժամի կարգավորմանը:
«Շաբաթ առավոտյան, հուլիսի 8-ից դեպի Վրաստան կատարվող չվերթների դադարեցման մասին ՌԴ նախագահ Վ. Պուտինի հրամանագրի հրապարակումից անմիջապես հետո, դիմել եմ հայկական բոլոր ավիաընկերություններին, ռուս-վրացական լարվածության պատճառով ՌԴ-Վրաստան և հակառակ ուղղությամբ ուղևորափոխադրումներին միահամուռ հայկական ճակատով մասնակցելու իրենց պատրաստակամության և հնարավորությունների ճշտման նպատակով:
Գոհունակությամբ պետք է նշեմ, որ 3 ավիաընկերություն` «Արմենիա», «Տարոն Ավիա» և «Ատլանտիս Եուրոփիան» պատրաստակամ են մասնակցել եղբայրական ժողովուրդների միջև ծագած ճգնաժամի կարգավորումներին, ամրագրված 5 օդանավերով, որոնց թիվը կարող է ավելանալ ևս 2-ով:
Արդյունքների մասին զեկուցվել է Վարչապետին»,- գրել է նա:
