29.03.2026 | 19:15
Իրանը սպառնում է հարվածներ հասցնել տարածաշրջանում ԱՄՆ-ի և Իսրայելի համալսարաններին
Ջայլամի կերպարը վիրավորում է թե՛ վրացիներին, թե՛ ռուսներին. Արման Բաբաջանյան. ՏԵՍԱՆՅՈՒԹ
Քաղաքականություն
21.06.2019 | 15:31
Հայկական պատվիրակությունը չպետք է լքեր նիստերի դահլիճը, պետք է մնար և իր ուղերձը հղեր կողմերին: Այս մասին Factor.am-ի հետ զրույցում ասաց ԱԺ «Լուսավոր Հայաստան» խմբակցության պատգամավոր Արման Բաբաջանյանը՝ անդրադառնալով Վրաստանում տեղի ունեցած դեպքերին:
«Դեռ չենք կարողացել ճշտել նիստի ընթացքում ենք դուրս եկել, թե՞ նիստից հետո, դա շատ էական է: Կարծում եմ՝ պետք է մնայինք նիստին և մասնակցեինք, ոչ թե դուրս գայինք ու ազդարարեինք, որ չենք ուզում մասնակցել այդ բախմանը, փոխարենը պետք է փորձեինք եղբորն ու բարեկամին պատգամ հղել: Մենք որպես քրիստոնյա երկիր պետք է ուղերձով հանդես գայինք և մեր զորակցությունը հայտնեինք, դա գուցե կանխեր զարգացումների հետագա ընթացքը»,- շարունակեց Բաբաջանյանը՝ նշելով, որ ջայլամի քաղաքականությունը վիրավորական է թե ռուսական, թե վրացական կողմի համար:
Հիշեցնենք՝ Վրաստանի խորհրդարանում երեկ պետք է տեղի ունենար Ուղղափառության միջխորհրդարանական վեհաժողովը, որին մասնակցում էր նաև հայաստանյան պատվիրակությունը, ավարտվել է աղմկահարույց միջադեպով: Ամեն ինչ սկսվել է այն բանից հետո, երբ այն նախագահող ռուս պատգամավոր Սերգեյ Գավրիլովը զբաղեցրել է Վրաստանի խորհրդարանի ղեկավարի աթոռը:
«Մեր պատվիրակությունն ամբողջական կազմով լքեց նիստերի դահլիճը: Իրավիճակը ոչ այնքան նորմալ էր և հաշվի առնելով, որ մի կողմից դաշնակից է, մյուս կողմից եղբայրական ժողովուրդ, մենք երկու քարի արանքում էինք, ուստի որոշեցինք լքել միջոցառումը»,- միջադեպից հետո հայտարարել էր ՀՀ պատվիրակության ղեկավար, Ազգային ժողովի փոխնախագահ Ալեն Սիմոնյանը:
