09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
Գյումրիի ավագանին արտահերթ նիստ է հրավիրել. փոխքաղաքապետ են ընտրել
Քաղաքականություն
20.06.2019 | 17:39
Այսօր Գյումրիի ավագանին արտահերթ նիստ է գումարել, որի օրակարգի հարցերից մեկը փոխքաղաքապետի ընտրությունն էր: Նախկին փոխքաղաքապետ Վաղարշակ Մխիթարյանը, հիշեցնենք, իր դիմումի համաձայն ազատվել է աշխատանքից՝ առողջական խնդիրների պատճառով:
Քաղաքապետ Սամվել Բալասանյանը Գյումրի համայնքի ղեկավարի տեղակալի պաշտոնում առաջադրել էր Հայկ Սուլթանյանի թեկնածությունը. նա քաղաքապետարանի կրթության բաժնի պետն է:
«Ես առաջարկել եմ Հայկ Սուլթանյանի թեկնածությունը, որի հետ երկար տարիներ աշխատում եմ՝ ոչ միայն քաղաքապետրանում, այլև այլ տեղերում։ Բացի այդ՝ Հայկ Սուլթանյանն աշխատել է տարբեր բաժիններում, հիմա Գյումրի համայնքի կրթության բաժնի պետն է: Մեծ վստահություն ունեմ, որ լավ կաշխատի»,- թեկնածուին ներկայացնելիս ասաց Սամվել Բալասանյանը։
Պատասխանելով ավագանու անդամների հարցերին՝ Հայկ Սուլթանյանը նշեց, որ քաղաքապետի հետ ճանապարհ է անցել, այդ պատճառով էլ համաձայնել է զբաղեցնել փոխքաղաքապետի պաշտոնը:
«Ինչպես պարոն Բալասանյանն ասեց՝ միասին ճանապարհ ենք անցել, այստեղ նաև թիմային գաղափարի խնդիր կա։ Ավելի շատ այս աշխատանքը պատասխանատվություն է, եթե նայեք աշխատավարձի տեսակետից էլ, էական տարբերություն չկա։ Եթե քաղաքապետը գտել է, որ կարող եմ օգտակար լինել, չեմ կարող հրաժարվել»,- ասաց Հայկ Սուլթանյանը։
Ավագանու անդամները միաձայն Հայկ Սուլթանյանին Գյումրիի փոխքաղաքապետ ընտրեցին:
Էմմա Չոբանյան
