02.07.2026 | 16:00
Կառավարության նիստը՝ ՈՒՂԻՂ
ԲԴԽ-ում վեթինգ ո՞վ պետք է իրականացնի․ Արման Բաբաջանյանը՝ ԲԴԽ անդամի թեկնածուին․ ՏԵՍԱՆՅՈՒԹ
Քաղաքականություն
20.06.2019 | 17:22
«Ակնհայտ է, որ այն դատական համակարգը, որը մենք ունենք այսօր, նոր չի ստեղծվել․ հիշում ենք՝ ինչպես էր այդ համակարգի ճարտարապետը գեղեցիկ ձևակերպումներով նկարագրում, թե ինքն ինչպես է պատկերացնում դատական համակարգը։ Արդյունքում մենք ստացանք Ռոբերտ Քոչարյանին և Սերժ Սարգսյանին սպասարկող դատական համակարգ, որն արդեն թերապևտիկ միջոցներով էլ անհնար է առողջացնել»,- այս մասին այսօր Ազգային ժողովում ԲԴԽ անդամի թեկնածու Գրիգոր Բեքմեզյանին ասաց ԱԺ «Լուսավոր Հայաստան» խմբակցության պատգամավոր Արման Բաբաջանյանը՝ հետաքրքվելով՝ ինչպե՞ս է հնարավոր կայացնել այնպիսի դատական համակարգ, որը կախում չի ունենա օրվա քաղաքական իշխանության ով կամ ինչ լինելուց։
Պատգամավորի հարցին ի պատասխան՝ Բեքմեզյանը նկատեց, որ անկախ այսօրվա իշխանությունից դատավորը պետք է լինի այնքան մաքուր, որ վստահ լինի հաջորդ իշխանությունը չի կարող ազդել իր վրա, ինչին հնարավոր չէ հասնել ներկա դատավորների պարագայում։
«Պետք է սերունդներ փոխենք։ Նոր եկած դատավորները անաչառ և օբյեկտիվ կլինեն ու իրենց հետևից կտանեն հներին։ Նրանք, ովքեր կկարողանան՝ կշարունակեն, իսկ ովքեր չեն կարողանա՝ կմաքրվեն դատական համակարգից»,- ասաց Բեքմեզյանը։
Պատգամավորրի հաջորդ հարցը վերաբերում էր վեթինգի իրականացմանը։
«ԲԴԽ-ում վեթինգն ո՞վ պետք է իրականացնի, եթե ԲԴԽ-ին պատվիրակվի վեթինգի ենթարկել դատական իշխանությանը»,- հարցրեց պատգամավորը։
Մանրամասները՝ տեսանյութում։
