14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
Վեթինգ ասելով չպետք է հասկանանք մորթել ու ջարդել․ կա անհանգստություն, բայց ամեն ինչ անցնելու է շատ հարթ․ Գրիգոր Բեքմեզյան. ՏԵՍԱՆՅՈՒԹ
Քաղաքականություն
20.06.2019 | 16:08
Ազգային ժողովի «Իմ քայլը» խմբակցության պատգամավոր Լուսինե Բադալյանը խորհրդարանում ԲԴԽ անդամի թեկնածու Գրիգոր Բեքմեզյանից հետաքրքրվեց, թե որն է նրա տեսակետը վեթինգ իրականացնելու հարցում:
Թեկնածուն նշեց, որ որոշ անհանգստություններ ունի, սակայն վստահ է՝ ամեն ինչ անցնելու է շատ հարթ, որովհետև կա կամք և ցանկություն։
«Այստեղ գալուց առաջ «Գուգլում» փորձեցի գտնել վեթինգ որտեղ են արել և ինչպես․ հավատացե՛ք, որևէ նորմալ բան չգտա․ միայն Արգենտինայի օրինակը գտա, որտեղ վեթինգը, կարծես թե, հաջողությամբ էր ավարտվել։ Իմ կարծիքով՝ կարևոր է այստեղ, թե պետությունն ի՞նչ կդնի վեթինգի հիմքում և ինչ սկզբունքներ և մեխանիզմներ կկիրառի։ Միջազգային փորձը մեզ, այո՛, հուշում է, բայց մեզ ուղղություն չի տալիս․ մենք ինքներս պետք է որոշենք և ընտրենք այն տարբերակը, որը հնարավորություն կտա հնարավորինս անցավ և արդյունավետ ճանապարհով հասնել մեր ուզածին»,- ասաց Բեքմեզյանը։
ԲԴԽ անդամի թեկնածուն նաև նշեց, որ վեթինգը չպետք է նպատակ ունենա ստիպել դատավորներին հրաժարական տալ․ դրա առաջնային նպատակը պետք է լինի դատավորներին տալ հնարավորություն՝ թոթփվել կոռուպցիայից, կոմպրոմատներից և ազատ աշխատել։
«Վեթինգ ասելով մենք չպետք է հասկանանք՝ կոտրել, մորթել, ջարդել, փշրել ու վերջ»,- ասաց նա։
