16.06.2026 | 00:58
ԱԱ-2026․ Բելգիան խուսափեց պարտությունից Եգիպտոսի դեմ խաղում․ ՏԵՍԱՆՅՈՒԹ
Վրաստանի խորհրդարանում տեղի ունեցած միջադեպից հետո հայկական պատվիրակությունը լքել է նիստերի դահլիճը. ՏԵՍԱՆՅՈՒԹ
Քաղաքականություն
20.06.2019 | 14:41
Վրաստանի խորհրդարանում տեղի ունեցած միջադեպից հետո հայկական պատվիրակությունը լքել է նիստերի դահլիճը: «Մեր պատվիրակությունն ամբողջական կազմով լքեց նիստերի դահլիճը: Իրավիճակը ոչ այնքան նորմալ էր և հաշվի առնելով, որ մի կողմից դաշնակից է, մյուս կողմից եղբայրական ժողովուրդ, մենք երկու քարի արանքում էինք, ուստի որոշեցինք լքել միջոցառումը»,- հայտարարել է ՀՀ պատվիրակության ղեկավար, Ազգային ժողովի փոխնախագահ Ալեն Սիմոնյանը:
Նշենք, որ Վրաստանի խորհրդարանում վիճաբանություն է տեղի ունեցել, քանի որ ՌԴ Դաշնային ժողովի Պետական դումայի պատգամավոր Սերգեյ Գավրիլովը ներկա է եղել խորհրդարանում անցկացվող Ուղղափառ երկրների միջխորհրդարանական 26-րդ վեհաժողովի նիստին և ղեկավարել է այն:
Սերգեյ Գավրիլովի ելույթի ժամանակ Վրաստանում Ուկրաինայի դեսպան Իգոր Դոլգովը՝ ի նշան բողոքի լքել է դահլիճը: Միջոցառմանը ներկա է եղել նաև Վրաստանի խորհրդարանի նախագահ Իրակլի Կոբախիձեն:
Հարցին, թե ինչու լքեց դահլիճը, Ուկրաինայի դեսպանն ասել է. «Որովհետեւ չեմ ուզում լսել ՌԴ-ին»: Ուկրաինայի դեսպանի խոսքով՝ խորհրդարանը շատ կարևոր դեր ունի ժողովրդավարական երկրներում:
