30.04.2026 | 23:18
ՀՀ 4 քաղաքում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
Պարո՛ն վարչապետ, «ընթացքի մեջ է» պատասխանն ինձ չի բավարարում․ Մանե Թանդիլյանը՝ վարչապետին․ ՏԵՍԱՆՅՈՒԹ
Քաղաքականություն
19.06.2019 | 17:13
Ազգային ժողովում մեկնարկել է Կառավարության հետ հարցուպատասխանը։
Գործադիրի անդամներին հարց տալու համար հերթագրվել է 45 պատգամավոր։
ԱԺ «Լուսավոր Հայաստան» խմբակցության պատգամավոր Մանե Թանդիլյանը գործադիրի ղեկավարից հետաքրքրվեց՝ ի՞նչ փուլում է Երևանի ավտոմաքսատունը Երևանից Գյումրի տեղափոխելու մասին իր կողմից տրված հանձնարարականի կատարումը։
Հարցին ի պատասխան վարչապետ Նիկոլ Փաշինյանը նշեց, որ երեկ Կառավարությունում քննարկվել է ՊԵԿ-ի ռազմավարությունը, որի մեջ տեղ ունի արտաքին տնտեսական գործունեոuթյան կենտրոններ բացելու գաղափարը։
«Գյումրի քաղաքում նախատեսվում է ունենալ այդպիսի մի կենտրոն։ Տարածքն արդեն ընտրված է։ Գործընթացը ընթացքի մեջ է և հնարավորինս արագ դա կարվի։ Հսկայական շինարարություն է լինելու, պետք է լուրջ ներդրումներ արվեն»,- մանրամասնեց վարչապետը։
Մանե Թանդիլյանը նկատեց․ «Պարո՛ն վարչապետ, ես մոռացա նշել, որ «ընթացքի մեջ է» պատասխանն ինձ չի բավարարում, ակնկալում եմ կոնկրետ ժամկետներ»։
Մանրամասները՝ տեսանյութում։
