07.03.2026 | 15:16
Խաղաղությունից հետո ջրի խնդրի վրա ենք կենտրոնանում․ Փաշինյանը՝ Պեմզաշենում․ ՏԵՍԱՆՅՈՒԹ
Ի՞նչ եք ազգի բոլոլա սարքել. Ծառուկյանը վիրավորեց լրագրողներին. ՏԵՍԱՆՅՈՒԹ
Քաղաքականություն
19.06.2019 | 11:49
ԱԺ «Բարգավաճ Հայաստան» խմբակցության ղեկավար Գագիկ Ծառուկյանը հրաժարվում է մեկնաբանել Քննչական կոմիտե չներկայանալու իր որոշումը։ Խորհրդարանում լրագրողների հետ զրույցում հայտարարեց՝ ինքն արդեն բոլոր հարցերին պատասխանել է:
«Այս հարցի պատասխանը փակ է, ինչ որ պետք է՝ իմ փաստաբանը տվել է»,- շեշտեց Ծառուկյանը: Հարցը՝ մտավախություն չունի՞, որ իրեն բերման կենթարկեն, Ծառուկյանին հունից հանեց. « Դատարկ-դատարկ խոսում ես, մի հատ հասկացի, թե ինչ ես ասում»։
Պատգամավոր ևս մեկ անգամ շեշտեց՝ ինքը Աբովյանի ընտրություններին ՔՊ թեկնածուի շտաբի ղեկավարի մեքենան ու տունը այրելու հետ կապված միայն իր կարծիքն է հայտնել:
«Սաղ երկրի խնդիրը մի կաթիլ մեղրն է եղել։ Ծառուկյանը դրա հետ ոչ մի կապ չունի, Ծառուկյանն իր կարծիքն է ասել, որը նաև այլ պատգամավորներ են ասել։ Ի՞նչ եք ազգի բոլոլա սարքել, լուրջ գործով զբաղվեք, ժողովուրդ ջան»,- շարունակեց Գագիկ Ծառուկյանը։
Մանրամասները՝ տեսանյութում:
Շողիկ Գալստյան
