08.06.2026 | 20:12
Էրդողանն ընդունել է Պոլսի Հայոց պատրիարքին
Կոռուպցիայի դեմ պայքարի շրջանակում որքա՞ն գումար է մուտքագրվել պետբյուջե․ Ատոմ Ջանջուղազյանը ձեռնպահ մնաց թիվ բարձրաձայնել․ ՏԵՍԱՆՅՈՒԹ
Տնտեսություն
19.06.2019 | 12:45
Ազգային ժողովի «Իմ քայլը» խմբակցության պատգամավոր Արտակ Մանուկյանն այսօր խորհրդարանում 2018 թվականի պետական բյուջեի կատարողականը ներկայացնող ֆինանսների նախարար Արտոմ Ջանջուղազյանից հետաքրքրվեց՝ 2018 թվականի մայիսից իրականացված կոռուպցիայի դեմ պայքարի և բացահայտումների արդյունքում որքան գումար է մուտքագրվել պետական բյուջե։
Պատգամավորի հարցին ի պատասխան նախարար Ջանջուղազյանը նշեց, որ պետական բյուջեի կատարողականում կոռուպցիոն բացահայտումների արդյունքում վերականգնված գումարների համար առանձին տող չկա։
«Դրանցից յուրաքանչյուրն իր տեղում է․ օրինակ, եթե հարկային նախկինում չկատարված պարտավորություն է կատարվել, ապա դա արտացոլված է հարկային եկամուտների համապատասխան տեղում, եթե դրա արդյունքում գոյացած միջոցներ են փոխանցվել որպես այլ եկամուտներ՝ դա արտացոլված է այլ եկամուտներ բաժնում, հետևաբար առանձին վերցրած հաշվառում ես չեմ կարող ասել և ձեռնպահ կմնամ գումարի չափ բարձրաձայնելուց»,- ասաց նախարարը։
Մանրամասները՝ տեսանյութում։
