25.11.2024 | 23:30
Էրդողանը ծրագրում է հաջորդ ժամկետով գրավել իշխանությունը․ TIME-ի անդրադարձը
Ինչով է պայմանավորված արտահանման ծավալների անկումը․ պարզաբանում է Ատոմ Ջանջուղազյանը․ ՏԵՍԱՆՅՈՒԹ
Տնտեսություն
19.06.2019 | 12:29
Ազգային ժողովում այսօր Ֆինանսների նախարար Ատոմ Ջանջուղազյանը ներկայացրեց 2018թ.-ի պետական բյուջեի կատարման մասին տարեկան հաշվետվությունը:
ԱԺ «Լուսավոր Հայաստան» խմբակցության պատգամավոր Արկադի Խաչատրյանը նախարարից հետաքրքրվեց՝ ինչո՞վ է պայմանավորված այս տարի գյուղատնտեսության ոլորտում արձանագրված անկումը՝ արտահանման ծավալներում։
Ըստ պատգամավորի՝ նախորդ տարվա համեմատ անկում է արձանագրվել նաև ՀՆԱ-ում՝ ՏՏ ոլորտի ունեցած կշռում։ «Խնդրում եմ ներկայացրեք այս հարցերի վերաբերյալ Կառավարության կոնկրետ տեսլականը»,- ասաց պատգամավորը։
Հարցերին ի պատասխան՝ նախարարը նշեց, որ արտահանելի և ոչ արտահանելի հատվածներում ունենք շահութաբերության մակարդակի տարբերություն՝ մոտավորապես 8 տոկոսային կետով, իսկ փողն այսպիսի հատկանիշ ունի՝ գնում է այնտեղ, որտեղ ավելանալու ակնկալիք կա և մեր ջանքերն ուղղված են նրան, որ փոխենք հենց այս կառուցվածքը։
«Դրա համար մենք ցանկանում ենք աջակցություն տալ այն տնտեսվարողներին, որոնք ավելի շատ արտահանմանը միտված են տնտեսվարում իրականացնում։ Այո՛, ծավալների անկումը մտահոգիչ է, սակայն Կառավարության ջանքը չի ուշանա, մենք հաջողություններ կարձանագրենք այստեղ»,- ասաց Ատոմ Ջանջուղազյանը։
Մանրամասները՝ տեսանյութում։
