Քաղաքականություն
18.06.2019 | 22:02
ՆԱՏՕ-ում Եվրոպայի դաշնակցական օդուժի ամերիկացի հրամանատար Թոդ Վոլթերսը նշել է, որ առաջիկայում թուրք և ամերիկացի պաշտոնյանեերը հանդիպում կանցկացնեն, որպեսզի քննարկեն Ռուսաստանի կողմից Թուրքիային մատակարարվելիք S-400 ՀՕՊ համակարգերի և ամերիկյան F-35 նոր սերնդի կործանիչների հարցը. գրում է ermenihaber-ը:
Ըստ Վոլթերսի՝ Բրյուսելում կայանալիք ՆԱՏՕ-ի անդամ երկրների պաշտպանության նախարարների մասնակցությամբ ժողովի շրջանակներում հանդիպում է կայանալու Թուրքիայի պաշտպանության նախարար Հուլուսի Աքարի և ԱՄՆ-ի ՊՆ-ի պաշտոնակատար Փաթրիք Շանահանի միջև։
«S-400-ները և F-35-ները միևնույն տեղում չեն կարող տեղակայվել։ Գիտեմ, որ այդ հարցում բանակցությունները շարունակվելու են։ Խնդրի մանրամասները քննարկվելու են Հուլուսի Աքարի և Փաթրիք Շանահանի միջև գալիք շաբաթ Բրյուսելում կայանալիք հանդիպման ժամանակ»։
