07.08.2026 | 23:37
Անձրև, ամպրոպ և ջերմաստիճանի նվազում. առաջիկա օրերի եղանակի կանխատեսումը
Թուրքիայում ձերբակալությունների նոր ալիք է բարձրացել. Գյուլենի հետ կապի մեջ կասկածվող 128 մարդ կկալանավորվի
Քաղաքականություն
18.06.2019 | 17:43
Թուրքիայի դատախազությունը 128 մարդու կալանավորելու որոշում է կայացրել, այդ թվում՝ 48 գործող զինծառայողի, որոնց կասկածում են ընդդիմադիր գործիչ, իսլամական քարոզիչ Ֆեթուլլահ Գյուլենի կազմակերպության հետ կապերի մեջ: Այս մասին գրում է ՌԻԱ Նովոստին՝ վկայակոչելով Anadolu գործակալությունը:
Կալանքի որոշումները կայացրել են Իզմիրի և Կոնյայի դատախազները, Թուրքիայի զինված ուժերում Գյուլենի կազմակերպության գաղտնի ցանցի հետաքննության շրջանակում:
Թուրքիայի իշխանությունները Գյուլենի FETO կազմակերպությանը մեղադրում են 2016 թվականի հուլիսին զինված հեղաշրջման փորձին մասնակցության համար: Ապստամբությունից հետո Թուրքիայում ավելի քան 77 հազար մարդ է ձերբակալվել, շուրջ 160 հազար պետական ծառայող կամ զինվորական հեռացվել է աշխատանքից:
Ներկայում ԱՄՆ-ում բնակվող Ֆեթուլլահ Գյուլենը հերքում է պետական հեղաշրջմանը մասնակցության մեղադրանքները:
