15.12.2025 | 19:37
Միքայել արքեպիսկոպոսի գործով նիստը մեկնարկեց վերաքննիչում
Նիկոլ Փաշինյանի հետ ծանոթությունն արդյոք Էդմոն Մարուքյանին կաշկանդո՞ւմ է լինել ընդդիմություն․ Լենա Նազարյան․ ՏԵՍԱՆՅՈՒԹ
Քաղաքականություն
18.06.2019 | 14:30
Ազգային ժողովի փոխնախագահ Լենա Նազարյանն այսօր խորհրդարանում ՍԴ դատավորի թեկնածու Վահե Գրիգորյանի թեկնածության քննարկման ժամանակ հիշեցրեց, որ հարցազրույցներից մեկի ժամանակ Էդմոն Մարուքյանը կարծիք է հայտնել, որ Վահե Գրիգորյանը կաշկանդված է կառավարող ուժի հետ մտերիմ հարաբերություններով:
«Ես կուզեի հարց տալ պարոն Մարուքյանին և իր խմբակցության մյուս անդամներին, որոնք կրկնում են այս կարծիքը՝ արդյոք Նիկոլ Փաշինյանի հետ ծանոթությունը և գործընկերությունը նախորդ խմբակցության շրջանակում ինչ-որ կերպ իրենց կաշկանդո՞ւմ է լինել ընդդիմություն»,- ասաց Նազարյանը՝ նշելով, որ իրենց հարաբերությունները Վահե Գրիգորյանի հետ ոչ թե անձնական մտերմություն են, այլ իրավական պետության կերտման շուրջ գործընկերություն:
ԱԺ փոխնախագահն անդրադարձավ նաև «Բարգավաճ Հայաստան» կուսակցության կողմից հնչեցված գնահատականներին՝ Վահե Գրիգորյանի կողմից նախագահ Արմեն Սարգսյանի ընտրության գործընթացի վերաբերյալ՝ ընդգծելով, որ գովելի է այն, որ Վահե Գրիգորյանը չի հրաժարվում նախկինում արած իր հայտարարություններից։
«Այս հանգամանքն է՛լ ավելի է ամրապնդում իմ վստահությունը Վահե Գրիգորյանի նկատմամբ՝ որպես պրոֆեսիոնալ և հետևողական իրավաբանի»,- ասաց նա։
Մանրամասները՝ տեսանյութում։
