02.09.2026 | 20:27
Վահագն Խաչատուրյանը պաշտոնական այցով ժամանել է Պրահա. ՏԵՍԱՆՅՈՒԹ
Երևանում արգենտինացի գեներալի կիսանդրի կտեղադրվի
17.06.2019 | 16:41
Երևանում կտեղադրվի արգենտինացի գեներալ Մանուել Բելգրանոյի կիսանդրին: Նախատեսվում է այն տեղադրել Արգենտինայի հրապարակում: Համապատասխան որոշման նախագիծն ընդգրկված է Երևանի ավագանու արտահերթ նիստի օրակարգում: Հայաստանի մայրաքաղաքում այս գեներալի կիսանդրին տեղադրելու առաջարկությամբ հանդես է եկել ՀՀ-ում Արգենտինայի դեսպանատունը:
Դեսպանությունը նախատեսում է նաև իրականացնել նույն հրապարակի շրջակայքի բարեկարգման աշխատանքները, հրապարակի ցուցանակների տեղադրումը և արգենտինական մոտիվներով հարակից կամարանցումի նկարազարդումը, ինչը կավելացնի նոր և գրավիչ հանդերձանքով երևանյան կամարանցումների թիվը:
Դեսպանատան կողմից ներկայացված նախագծային փաթեթը քննարկվել է աշխատակազմի ճարտարապետության և քաղաքաշինության վարչությունում և Երևանի գլխավոր ճարտարապետի կողմից և հավանության է արժանացել: Հարցը համաձայնեցվել է աշխատակազմի արտաքին կապերի վարչության և ՀՀ ԱԳՆ-ն հետ:
Նարեկ Կիրակոսյան
