15.01.2026 | 23:35
Ավարտվել է ՀՀ շախմատի առաջնությունների 3-րդ խաղափուլը․ Զավեն Անդրիասյանը միանձնյա առաջատար է
Կառավարող խմբակցությունը լծակներ է տալիս ընդդիմությանը. ԱԺ նախագահը մի շարք օրենքներում սպասվող փոփոխությունների նախագծեր ներկայացրեց. ՏԵՍԱՆՅՈՒԹ
Քաղաքականություն
17.06.2019 | 14:29
ԱԺ պետաիրավական հարցերի մշտական հնաձնաժողովն այսօր դրական եզրակացություն տվեց ԱԺ նախագահ Արարատ Միրզոյանի ներկայացրած մի շարք օրենքներում փոփոխությունների նախագծերի փաթեթին:
Հիմնական զեկուցող, ԱԺ նախագահ Արարատ Միրզոյանը մինչ նախագծերի բովանդակային մասը ներկայացնելն ասաց՝ փոփոխություններն առաջարկվում են՝ ելնելով խորհրդարանական կառավարման համակարգ ունենալու տրամաբանությունից. դրանք պայմանավորված են խորհրդարանի դերի, ինքնավար մարմինների ձևավորման հարցում ԱԺ խմբակցությունների ներգրավվածության բարձրացման անհրաժեշտությամբ:
ԱԺ նախագահը մանրամասնեց, որ առաջարկում են «Տնտեսական մրցակցության պաշտպանության մասին» օրենքում և «Հանրային ծառայությունները կարգավորող մարմնի մասին» օրենքում ներդնել այդ կառույցների ձևավորման հետևյալ մեխանիզմը. «Հանձնաժողովների թափուր պաշտոններում թեկնածու առաջադրելու իրավունքը վերապահել կառավարությանը՝ վարչապետի փոխարեն: Սա, կարծում եմ, միահեծան կառավարման վերաբերյալ շրջանառվող մտահոգությունները փարատելուն ուղղված քայլ է»:
Մանրամասները՝ տեսանյութում:
Շողիկ Գալստյան
