02.09.2026 | 21:30
ՌԴ-ի ռազմաբազան հեռացնելը ՀՀ-ին կանգնեցնելու է անվտանգային նոր սպառնալիքների առաջ․ Էդգար Ղազարյան. ՏԵՍԱՆՅՈՒԹ
Արդյոք օրացույցում Կինոյի օր ունենալով մենք լուծելո՞ւ ենք կինոյի խնդիրները՝ իհարկե, ո՛չ․ Նաիրա Զոհրաբյան․ ՏԵՍԱՆՅՈՒԹ
Մշակույթ
17.06.2019 | 13:36
Ազգային ժողովի «Բարգավաճ Հայաստան» խմբակցության պատգամավոր Նաիրա Զոհրաբյանի համոզմամբ՝ կինոլորտի օրենսդրական կարգավորումը նպատակ է հետապնդում օրենսդրորեն ապահովել ՀՀ-ում կինոոլորտի զարգացումը՝ կինոարտադրությունից մինչև կինովարձույթ, օրենսդրորեն սահմանել կինոոլորտի պետական կառավարման մարմինների բոլոր գործառույթները, ՀՀ պետական բյուջեով ամենամյա պետական աջակցության համար նախատեսված ֆինանսական միջոցների բաշխումից և ծախսումից մինչև մշակութային ժառանգության պահպանություն, հայկական կինոյի հանրայնացում և միջազգայնացում։
Այս մասին այսօր ԱԺ-ում հրավիրված «Կինոյի ոլորտում օրենսդրական հնարավոր լուծումների վերաբերյալ» թեմայով խորհրդարանական լսումների ժամանակ ասաց պատգամավորը։
Ըստ պատգամավորի՝ իրենց խմբակցությունը տարիներ շարունակ խորհրդարանում ջանացել է ունենալ Կինոյի մասին օրենքի, ստեղծագործական միությունների մասին քննարկումներ, սակայն չի եղել դրանք ունենալու համար անհրաժեշտ քաղաքական կամք։
«Արդյոք կինոյի մասին օրենք ընդունելով լուծելո՞ւ ենք Հայաստանում կինոարտադրության ողջ խնդիրները, արդյոք օրացույցում Կինոյի օր ունենալով մենք լուծելո՞ւ ենք կինոյի խնդիրները՝ իհարկե, ո՛չ։ Մենք պետք է հասկանանք, որ սա համալիր խնդիր է։ Այս խնդիրը կլուծվի, եթե լինի քաղաքական մտածելակերպի փոփոխություն այն մասին, որ մշակույթը բրենդ է», – ասաց Զոհրաբյանը։
Մանրամասները՝ տեսանյութում։
