07.03.2026 | 22:11
Նոր նշանակումներ՝ մարմնամարզության Հայաստանի հավաքականներում
Վանաձորում նռնակի պայթյունից վիրավորված երեխան իրեն լավ է զգում
14.06.2019 | 19:35
Հունիսի 13-ին ժամը 23:00-ի սահմաններում Վանաձորի բժշկական կենտրոն է տեղափոխվել 14-ամյա երեխա: Նախնական տեղեկություններով՝ տղան վիրավորում է ստացել նռնակի պայթյունից:
«Հիվանդանոց է տեղափոխվել միջին ծանրությամբ, տրավմատիկ շոկի երևույթներով: Ամբողջ մարմինը բեկորներով պատված էր: Աջ դաստակի առաջին ու երկրորդ մատը լրիվ ամպուտացված էր, իսկ երրորդ մատը՝ մասնակի: Երրորդ մատի հետագա ամպուտացիայի հարց կա, բայց ես աշխատում եմ պահպանել, չգիտեմ՝ կպահպանվի՞, թե՞ ոչ: Միկրովիրաբուժությունը ոչ մի բանով չի կարող օգնել, քանի որ դրանք պայթուցիկ վերքեր են, ոչ թե կտրվածք»,- Factor.am-ի հետ զրույցում ասաց Վանաձորի բժշկական կենտրոնի մանկական վնասվածքաբան, օրթոպեդ Ռուբեն Հակոբյանը:
Վիրահատությունը շուրջ 4 ժամ է տևել: Հիմա երեխայի վիճակը գնահատվում է լավ: Բժիշկը տեղեկացրեց, որ առաջիկայում, հնարավոր է, նաև այլ վիրահատական միջամտությունների կարիք լինի:
Տաթևիկ Ղազարյան
