15.01.2026 | 23:35
Ավարտվել է ՀՀ շախմատի առաջնությունների 3-րդ խաղափուլը․ Զավեն Անդրիասյանը միանձնյա առաջատար է
Վահե Գրիգորյանի թեկնածությանը դեմ եմ քվեարկելու. Գևորգ Պետրոսյան. ՏԵՍԱՆՅՈՒԹ
Քաղաքականություն
14.06.2019 | 16:20
ԱԺ «Բարգավաճ Հայաստան» խմբակցության պատգամավոր Գևորգ Պետրոսյանը ՍԴ անդամի թեկնածու Վահե Գրիգորյանի թեկնածությանը դեմ է քվեարկելու։ Պետրոսյանն այս մասին լրագրողներին ասաց խորհրդարանում թեկնածուի հետ հանդիպումից հետո։
«Վահե Գրիգորյանը հայտարարեց, թե իբր դատախազությունը գործադիր իշխանության մաս է: Ես, որպես իրավաբան, այդ արտահայտությունից հետո ո՞նց կարող եմ կողմ քվեարկել»,- իր որոշումը հիմնավորեց ընդդիմադիր պատգամավորը։
Հստակեցնող հարցին՝ այդպիսի հայտարարությո՞ւն է արել, Գևորգ Պետրոսյանը պատասխանեց. «Ես երբեք ստախոսությամբ չեմ զբաղվում քաղաքականության մեջ, կյանքում կարող է մեկումեջ սուտ խոսեմ»:
Վահե Գրիգորյանից հետաքրքրվել են նաև դատարանների դռները փակելու վարչապետի կոչից: «Չստացա այդ հարցի սպառիչ պատասխանը: Մի դեպքում ասաց, որ դա սխալ էր, որ ինքը համաձայն չէ փակելու դատարանների դռները և խափանելու դատարանների աշխատանքը: Ինքն ասաց, որ ինքը դեմ էր, գտնում է, որ դա Սահմանադրությանը հակասող էր, բայց նաև ասաց, որ ինքը չի գտնում, որ այստեղ եղել է հանձնարարական»,- շարունակեց Պետրոսյանը։
Հիշեցնենք՝ Վահե Գրիգորյանն այսօր խորհրդարանում հանդիպեց ընդդդիմադիր «Բարգավաճ Հայաստան» խմբակցության հետ։
Մանրամասները՝ տեսանյութում։
Շողիկ Գալստյան
