08.11.2026 | 17:07
Ադրբեջանի պաշտպանության նախարարը կորոնավիրուսով է վարակվել
«Հայաստանը եվրոպական ինտեգրման ուղղությամբ բացառիկ լավ է աշխատում»․ Էստոնիայի պաշտպանության նախկին նախարար. ՏԵՍԱՆՅՈՒԹ
Քաղաքականություն
14.06.2019 | 15:24
Հայաստանը եվրոպական ինտեգրման ուղղությամբ բացառիկ լավ է աշխատում։ Դա հատկապես տեսանելի է տեղի ունեցած քաղաքական փոփոխություններում։ Կարծում եմ՝ թե՛ Հայաստանը, թե՛ Եվրամիությունը լավատեսորեն են տրամադրված։ Այս մասին Factor.am-ի հետ զրույցում նշեց Եվրախորհրդարանի անդամ, Էստոնիայի պաշտպանության նախկին նախարար Հաննես Հանսոն։
«Եվրոպայի դռները բաց են։ Եթե Հայաստանի հավակնությունները փոխվեն, մենք պատրաստ ենք արձագանքել և հետագա ներգրավվածություն ապահովել։ Ուրախ ենք տեսնել այն քաղաքական առաջընթացը, որը տեղի է ունենում»,- նշեց Հաննես Հանսոն։
Նրա խոսքով՝ եվրոպական ինտեգրացիան հասարակական բոլոր ոլորտներն է ներառում․ օրենսդրությունից մինչև ժողովրդավարություն և հակակառուպցիոն կառավարում։
«Կարծում եմ՝ որքան ավելի սերտ համագործակցենք, այնքան ավելի շատ կլինեն առավելությունները։ Կշահի ինչպես Հայաստանը, այնպես էլ Եվրոպան։ Կարևոր է, որ ընդհանուր հետաքրքրություններ գտնենք, համատեղ աշխատանքներ տանենք։ Եվրոպան լավ վայր է․ Հայաստանը որան մոտ լինի նրան, այնքան լավ»,- ընդգծեց Էստոնիայի պաշտպանության նախկին նախարարը։
Անդրադառնալով Արբեջան-ԵՄ համաձայնագրի ստորագրմանը, Հաննես Հանսոն նշեց․ «Հուսով եմ՝ այն չի խոչընդոտի Հայաստանի եվրոպական ինտեգրման գործընթացին։ Այստեղ ոչ մի երրորդ կողմ չի կարող ներգրավվել․ լինի դա Ռուսաստանը, Ադրբեջանը, թե մեկ այլ երկիր։ Կարծում եմ՝ դա չի կարող խանգարել այս երկկողմ շահավետ համագործակցությանը»։
Մանրամասները՝ տեսայութում:
Նելլի Մելքոնյան
