08.11.2026 | 16:46
Մեր միասնությունն ու եղբայրությունն անխախտ են․ Ալիևը՝ Էրդողանին
«Չեմ կարծում՝ Ադրբեջան-ԵՄ հարաբերությունները մեզ խանգարեն»․ Արման Եղոյան. ՏԵՍԱՆՅՈՒԹ
Քաղաքականություն
14.06.2019 | 13:08
Համոզված եմ, որ Եվրամիության մեր գործընկերները շատ լավ հասկանում են տարածաշրջանի նրբությունները և վերջին զարգացումները հենց դա են ցույց տալիս։ Այս պահին Ադրբեջան-ԵՄ սպասվող համաձայնագրի կնքման մեջ խնդիրներ չեմ տեսնում։ Այս մասին Factor.am-ի հետ զրույցում նշեց ԱԺ եվրոպական ինտեգրման հարցերի մշտական հանձնաժողովի նախագահ Արման Եղոյանը։
«Ձևակերպումներից կախված կլինի, թե այդ համաձայնագիրն ինչ ազդեցություն կունենա ինչպես նրանց, այնպես էլ Հայաստան-ԵՄ հարաբերությունների վրա»,- ասաց Եղոյանը:
Նրա խոսքով՝ եվրոպական ինտեգրման համար այս տարի Հայաստանում ոստիկանական, շրջակա միջավայրի պաշտպանության, գյուղատնտեսության, սպառողների շահերի պաշտպանության, արդարադատության համակարգերում փոփոխություններ պետք է լինեն։
Պատգամավորը հատկապես դատական համակարգի բարեփոխումներն ու անցումային արդարադատությունն առանձնացրեց․«2017 թվականին Եվրամիության անցկացրած հարցումների համաձայն՝ բնակչության 70%-ը դատական համակարգին չի վստահում։ Այդ թվի վրա պետք է աշխատել, դատական բարեփոխումներ իրականացնել»։
Մանրամասները՝ տեսանյութում:
Նելլի Մելքոնյան
