11.01.2025 | 20:13
Կրակը Գլենդելից հեռու է. քաղաքապետը մանրամասներ է ներկայացրել
Սամվել Բաբայանի չեզոքացման համար Բակո Սահակյանին պետք է ուժեղ ոստիկանապետ, որն անհրաժեշտության դեպքում կարող է ուժ կիրառել․ Արցախի «Ազգային վերածնունդ» կուսակցության անդամ․ ՏԵՍԱՆՅՈՒԹ
Քաղաքականություն
13.06.2019 | 13:38
Արցախի անվտանգության խորհրդի արդեն նախկին քարտուղար Վիտալի Բալասանյանը դեռ 3-4 ամիս առաջ էր իր մտերիմների շրջանում հայտնել, որ ամռանը պատրաստվում է իր այդ պաշտոնից հրաժարական տալ, քանի որ հայտ է ներկայացրել մասնակցելու Արցախի նախագահական ընտրություններին, հետևաբար, երևանյան որոշ շրջանակների կողմից այդ փաստի շահարկումը, կարծում եմ, ազնիվ չէ. այս մասին այսօր «Պաշտոնանկություններ Արցախում. գնահատականներ Հայաստան-Արցախ հարաբերություններին» թեմայով քննարկման ժամանակ ասաց Արցախի «Ազգային վերածնունդ» կուսակցության անդամ Տիգրան Գրիգորյանը։
«Շահարկվում էր միջպետական վարկի թեման, թե, իբր, Նիկոլ Փաշինյանը սպառնում էր, որ միջպետական վարկը կսառեցվի, և սա, կարծում եմ, այդքան էլ սիրուն և ազնիվ երևույթ չէ»,- ասաց նա։
Անդրադառնալով Լևոն Մնացականյանին Արցախի ոստիկանապետ նշանակելու Բակո Սահակյանի որոշմանը՝ Գրիգորյանը նշեց, որ դա ևս կապված էր ներքաղաքական որոշ զարգացումների հետ։
«Սամվել Բաբայանը սկսել է ստորագրահավաք, որն, ամենայն հավանականությամբ, ավարտվելու է փողոցային ակցիաներով: Կարծում եմ՝ Լևոն Մնացականյանի նշանակումը ոստիկանապետի պաշտոնում պայմանավորված էր Սամվել Բաբայանի գործոնի չեզոքացման հետ։ Բակո Սահակյանին ոստիկանապետի պաշտոնում անհրաժեշտ է ուժեղ գործիչ, որը հարկ եղած դեպքում պատրաստ է լինելու ուժային գործողությունների դիմել»,- ասաց Գրիգորյանը։
Մանրամասները՝ տեսանյութում։
