08.11.2026 | 17:40
Երևանում 29-ամյա երիտասարդ է դանակահարվել և մահացել․ կասկածյալը ձերբակալվել է
Բենզագազալցակայաններում ստուգումներ կանցկացվեն՝ առանց 3 օր առաջ դրա մասին տնտեսվարողին տեղեկացնելու․ ՏԵՍԱՆՅՈՒԹ
Տնտեսություն
13.06.2019 | 12:47
Կառավարությունը հունիսի 13-ի նիստում որոշում ընդունեց, որով առաջարկվում է փոփոխություն կատարել «Հայաստանի Հանրապետությունում ստուգումների կազմակերպման և անցկացման մասին» ՀՀ օրենքում և հանել ստուգումներից 3 օր առաջ տնտեսվարողներին այդ մասին հայտնելու դրույթը։
Նախագծի զեկուցող, վարչապետի աշխատակազմի ղեկավար Էդուարդ Աղաջանյանը նշեց, որ առաջարկվում է վերացնել գործող օրենսդրությամբ չափագիտական վերահսկողություն իրականացնելու համար ստուգումը սկսելուց առնվազն 3 աշխատանքային օր առաջ տնտեսվարող սուբյեկտին տեղեկացնելու սահմանված պահանջը՝ հաշվի առնելով, որ տնտեսվարող սուբյեկտները նախապես տեղեկանալով ստուգման մասին՝ չափագիտական վերահսկողության ենթակա օբյեկտների թերությունները վերացնում են և պահանջվող նորմերին համապատասխանեցնում են միայն տվյալ օրը:
«Շուկայի վերահսկողության տեսչական մարմինը պարբերաբար ահազանգեր է ստանում բենզալցակայաններում թերլցումների վերաբերյալ ու փաստացի գործող կարգավորումները, մասնավորապես, եռօրյա ծանուցման պահանջը գործնականում անհնար են դարձնում բացահայտել և արձանագրել այդ խախտումները։ Առաջարկվող օրենքի փոփոխությամբ մենք կարողանում ենք այդ խոչընդոտը վերացնել»,- ասաց Աղաջանյանը։
Մանրամասները՝ տեսանյութում։
