07.03.2026 | 18:43
ԱՄԷ-ում մնացած 183 ՀՀ քաղաքացի է գրանցվել դեսպանության ցուցակում, 37-ը կտեղափոխվեն Օման. ԱԳՆ
Մեր անօդաչու սարքերն էլ են թռնում, մեր կողմից էլ կա հատուկ ջոկատայինների կուտակում. Դավիթ Տոնոյան. ՏԵՍԱՆՅՈՒԹ
Քաղաքականություն
13.06.2019 | 10:47
Եթե կար հանրային պահանջ, ապա, կարծում եմ, անհրաժեշտություն կար ստեղծել ապրիլյան պատերազմի հանգամանքներն ուսումնասիրող ԱԺ քննիչ հանձնաժողով։ Այս մասին այսօր խորհրդարանում պատասխանելով Factor.am-ի հարցին՝ ասաց ՀՀ պաշտպանության նախարար Դավիթ Տոնոյանը։
«Եթե հանրությանը կբավարարեն պատասխանները, որոնք կլինեն այդ հանձնաժողովի արդյունքում, իհարկե․․․ Բոլոր այն հարցերը, իմիջիայլոց, նաև այն հարցերը, որոնք մեր հակառակորդի տեղեկատվական գործողությունների արդյունքում են առաջացել մեր հանրության մեջ, դրանք կփարատվեն»,- շարունակեց Տոնոյանը։
Պաշտպանության նախարարը նաև նշեց, որ հանձնաժողովին կտրամադրվեն նախկին նախարար Սեյրան Օհանյանի պաշտոնավարման ընթացքում նախարարությունում իրականացված ուսումնասիրությունները։
«Այդ ուսումնասիրություններն առկա են և կտրամադրվեն հանձնաժողովին»,- նշեց Տոնոյանը։
Լրագրողները նաև հետաքրքրվեցին սահմանին տիրող ակտիվությունից, անօդաչու թռչող սարքերից և հատուկ ջոկատայինների կուտակումից։ Նախարարը հորդորեց չմտահոգվել՝ շեշտելով, որ մեր անօդաչու սարքերն էլ են թռնում, մեր կողմից էլ կա հատուկ ջոկատայինների կուտակում։
Մանրամասները՝ տեսանյութում։
Շողիկ Գալստյան
