18.09.2026 | 07:58
Փաշինյանն աշխատանքային այցով մեկնել է Գերմանիա․ նրան կշնորհվի Հեսսեյան Խաղաղության մրցանակը
Գունավոր հանդերձանք կրողներ էլ կարող են լինել, որոնք փորձում են իրենց վեր դասել օրենքից. Հունան Պողոսյան. ՏԵՍԱՆՅՈՒԹ
Քաղաքականություն
12.06.2019 | 17:33
Սյունիքի մարզպես Հունան Պողոսյանը պատրաստ է վեթինգի ենթարկվել, եթե դրա անհրաժեշտությունը լինի։ Այս մասին այսօր Պողոսյանն ասաց խորհրդարանում լրագրողների հետ զրույցում:
«Մտավախություն չունեմ, ոնց որ կվերաբերի բոլորին, ինքս էլ պատրաստ եմ ընդհանուր հիմունքներով ենթարկվել», – ընդգծեց մարզպետը։
Լրագրողները մարզպետից հետաքրքրվեցին նաև վարչապետ Փաշինյանի հայտարարությունից՝ կապված բռնություն քարոզող սևազգեստների հետ։ Ըստ մարզպետի՝ սևազգեստ մարդկանց մասին Նիկոլ Փաշինյանի հայտարարությունը վերաբերել է նրանց, ովքեր փորձել են իրենց օրենքից վեր դասել: Թեև, ըստ Պողոսյանի, գունավոր հանդերձանք կրողներ էլ կարող են լինել, որոնք փորձում են իրենց վեր դասել օրենքից։
«Քրեածին հանցավորի միջավայրի տարրեր միշտ էլ եղել են ու կան, դրա համար էլ կան պատկան մարմիններ, որոնք պատշաճ մակարդակով իրենց գործառույթներն են իրականացնում»,- նշեց նախկին փոխոստիկանապետը։
Մանրամասները՝ տեսանյութում:
Շողիկ Գալստյան
