02.03.2025 | 21:36
ՏԿԵ նախարարը հետևել է Սյունիքի մարզում իրականացվող սուբվենցիոն ծրագրերի ընթացքին
Վրաց ժողովուրդը չի պատրաստվում զիջել Դավիթ Գարեջին. Ինաշվիլի
Քաղաքականություն
11.06.2019 | 17:17
«Հայրենասերների դաշինք» կուսակցության առաջնորդ Իրմա Ինաշվիլին խորհրդարանի այսօրվա լիագումար նիստում Վրաստանի դատախազությանը կոչ է արել ուսումնասիրել դեմարկացիայի հանձնաժողովի աշխատանքները. գրում է aliq.ge-ն:
Ինաշվիլին, նշել է, որ հակառակ դեպքում դաշինքը հանդես կգա խորհրդարանում հարցով քննչական հանձնաժողով ձևավորելու պահանջով:
Պատգամավորի խոսքով, Դավիթ Գարեջին պաշտպանության կարիք ունի, իսկ դեմարկացիայի հանձնաժողովն անարդյունավետ է աշխատում:
«Վրաց ժողովուրդը չի պատրաստվում զիջել Դավիթ Գարեջին։ Այն, ինչ տեղի ունեցավ նախկին իշխանության օրոք, երբ փաստացիորեն վաճառվեց Գարեջին, չի կրկնվելու: Հունիսի 15-ին հենց դրա համար է վրաց ժողովուրդը հավաքվելու ազատության հրապարակում, բոլորին կոչ եմ անում միանալ այդ հավաքին», — հայտարարել է Ինաշվիլին:
Վրաց-ադրբեջանական սահմանին գտնվող Դավիթ Գարեջի վանական համալիրի շուրջ ծագած խնդրին առավել մանրամասն ծանոթացեք այստեղ։
