08.08.2026 | 11:36
Զիդանի որդին փոխել է ակումբը
ԼՂ հակամարտության կարգավորման հարցում ամեն ինչ ՌԴ-ից կախված չէ. Սերգեյ Կոպիրկին. ՏԵՍԱՆՅՈՒԹ
Քաղաքականություն
11.06.2019 | 13:17
Ռուսաստանը կարևոր և նշանակալի դեր է խաղում ղարաբաղյան հակամարտության կարգավորման գործընթացում: Այսօր հրավիրված ասուլիսում ասաց Հայաստանում ՌԴ դեսպան Սերգեյ Կոպիրկինը:
«Ռուսաստանը կարևոր դեր է խաղում Լեռնային Ղարաբաղի հակամարտության կարգավորման գործընթացքում, այդ թվում՝ հենվելով ռազմավարական դաշնակից Հայաստանի հետ հարաբերությունների և Ադրբեջանի հետ գործընկերային հարաբերությունների վրա: Մենք գործում ենք Մինսկի խմբի ձևաչափում՝ համանախագահների կազմում»,- ասաց դեսպանը:
Նա հավելեց, որ Ռուսաստանը նաև առանձին քայլեր է ձեռնարկում՝ նպատակ ունենալով թույլ չտալ իրավիճակի սրում:
«Բանակցային գործընթացի կարգավորման համար ձեռնարկում ենք այն բոլոր անհրաժեշտ քայլերը, որոնք կարող ենք: Բայց պարզ է, որ հարցի վերջնական լուծումը հակամարտության կողմերի որոշումն է: Այստեղ Ռուսաստանի դերին պետք է հավասարակշռված մոտենալ. այն, իհարկե, նշանակալի է, բայց չի կարող փոխարինել երկու կողմերի գործողություններին: Ասել, որ ամեն ինչ կախված է Ռուսաստանից, թերևս, այդքան էլ ճիշտ չէ»,- ասաց Սերգեյ Կոպիրկինը:
Մանրամասները՝ տեսանյութում:
