25.04.2026 | 13:54
Վաշինգտոնում, Չարլզ III թագավորի այցից առաջ, սխալմամբ Բրիտանական դրոշի փոխարեն կախել են Ավստրալիայի դրոշը
Ես մտածելու բան չունեմ. Ալեն Սիմոնյանն՝ Արթուր Սաքունցի՝ իր դեմ ՀՔԾ-ում հաղորդում տալու մասին
Հասարակություն
10.06.2019 | 20:42
«Դանիել Իոաննիսյանն էր խոստացել հանցագործության մասին հաղորդում տալ, ինչու՞ է Արթուր Սաքունցը տվել»,- Factor.am-ի հետ զրույցում այսպես արձագանքեց ԱԺ փոխնախագահ Ալեն Սիմոնյանն՝ անդրադառնալով Իրազեկ քաղաքացիների միավորում ՀԿ ծրագրերի համակարգող Դանիել Իոաննիսյանի այն հայտարարությանը, որ Փաստերի ստուգման հարթակի հրապարակման հիման վրա, ՀՔԱՎ գրասենյակի ղեկավար Արթուր Սաքունցը իր դեմ Հատուկ քննչական ծառայություն հանցագործության մասին հաղորդում է ներկայացրել։
«Ես մտածելու բան չունեմ, իրականում ավելի լավ։ Եթե իմ հրապարակած փաստաթղթից հետո կասկած կա ինչ֊որ մարդկանց մոտ, թող ՀՔԾ էլ դիմեն, ՄԱԿ էլ դիմեն»,֊ ասաց Ալեն Սիմոնյանը։
Հիշեցնենք, որ Փաստերի ստուգման հարթակը հոդված էր հրապարակել, որի համաձայն՝ Ալեն Սիմոնյանի հայտարարագրում առկա են կեղծ տվյալներ:
Մասնավորապես, հոդվածի հեղինակը պնդում է, որ Ալեն Սիմոնյանը հայտարարագրում ներկայացրել է նախքան պաշտոնը ստանձնելը ձեռք բերված մարդատար ավտոմեքենա: Սակայն լրատվամիջոցը Ճանապարհային ոստիկանությունից ստացել է փաստաթուղթ, որի համաձայն՝ այդ մեքենան Ալեն Սիմոնյանը ձեռք է բերել պաշտոնը ստանձնելուց հետո։
Նարեկ Կիրակոսյան
