Պետք է հրաժարվենք «և, և»-ից ու «կամ, կամ»-ից, պետք է արձանագրել «և, և»-ը՝ բազմակետերով․ Շավարշ Քոչարյան․ ՏԵՍԱՆՅՈՒԹ

ԵՏՄ-ի միակ առանձնահատկությունն այն է, որ  այն միակ կազմակերպությունն  է, որտեղ որոշումներ ինքներս ենք կայացնում, իհարկե, կոնսենսուսով մնացյալ անդամ պետությունների հետ, իսկ սա նշանակում է, որ անդամ բոլոր պետությունները շահագրգիռ են, որպեսզի այդ տարածքում տնտեսությունն աճի և մաքսատուրքերից հավաքվող գումարներն ավելանան։

Այս մասին այսօր Ազգային ժողովում «ՀՀ նախագահության տարին ԵՏՄ-ում. մարտահրավերներ և հնարավորություններ» թեմայով խորհրդարանական լսումների ժամանակ ասաց արտաքին գործերի փոխնախարար Շավարշ Քոչարյանը։

«Հասկանալի է, որ կա տարբեր մակարդակի մրցակցություն, բայց կա նաև ընդհանուր շահ, որը մեզ բոլորիս միավորում է։ Մենք պետք է նայենք նաև այդ ամենին տիրոջ աչքով, քանի որ ինքներս այդ միության կազմում ենք գտնվում։ Իհարկե, այս միության հիմքում կանգնած է Ռուսաստանը, Ղազախստանը և Բելառուսը, բայց մյուս կողմից մենք իրավական առումով  հանդիսանում ենք հիմնադիր անդամ ճիշտ այնպես, ինչպես այդ պետությունները, որովհետև երբ միությունը դեռ չէր ստեղծվել, մենք միացանք պայմանագրին և այն ստորագրեցինք, և հետևաբար նաև ձեռք ենք բերել այդ տիրոջ իրավունքը։ Այսինքն՝ ԵՏՄ հինգ անդամները բոլորն էլ հիմնադիր են հանդիսանում»,- ասաց Շավարշ Քոչարյանը։

Վերջինս նշեց, որ ՀՀ-ի համար կարևոր է ինչպես համագործակցությունը ԵՏՄ-ի հետ, այնպես էլ ԵՄ-ի, Չինաստանի ու ԱՄՆ-ի հետ. «Այնպես որ, առաջարկում եմ, որ հրաժարվենք «և, և»-ից ու  «կամ, կամ»-ից։ ՀՀ-ի համար ձեռնտուն է «և, և»-ը՝ բազմակետերով»։

Մանրամասները՝ տեսանյութում։