28.09.2026 | 02:28
«Արդարացում չունեցող կոպիտ սխալ». Թաթա Սիմոնյանը ներողություն է խնդրել սեպտեմբերի 27-ին իր համերգի ցուցադրության համար
Ցավով պետք է արձանագրենք՝ առայժմ ԵՏՄ միասնական շուկաները չեն կայացել․ Միքայել Մելքումյան․ ՏԵՍԱՆՅՈՒԹ
Քաղաքականություն
10.06.2019 | 12:36
Ազգային ժողովում այսօր տեղի են ունենում «ՀՀ նախագահության տարին ԵՏՄ-ում. մարտահրավերներ և հնարավորություններ» թեմայով խորհրդարանական լսումներ։ Նիստը վարող ԱԺ «Բարգավաճ Հայաստան» խմբակցության պատգամավոր Միքայել Մելքումյանը նշեց, որ ԵՏՄ-ի շրջանակներում օրենքների սինխրոնիզացիան շատ դանդաղ է ընթանում։
«Հաշվի առնելով կարևոր գործոնը, որ առաջիկայում բացառված չէ, որ մեկ-երկու երկիր՝ ոչ ԱՊՀ անդամ երկիր, համալրեն ԵՏՄ-ն, շատ կարևոր եմ համարում ԵՏՄ պառլամենտական վեհաժողով ստեղծելու գաղափարը»,- նշեց Մելքումյանը՝ շեշտելով, որ այս հարցով նամակ է հղել ՀՀ վարչապետին և ԱԺ նախագահին։
«Օրենքների ներդաշնակությունը հստակ պետք է արվի, որ օրենքները միասնական դաշտում լինեն»,- ասաց նա։
«Բարգավաճ Հայաստան» խմբակցության պատգամավորի խոսքով՝ պետք է ցավով արձանագրել նաև, որ ԵՏՄ-ում առայժմ միասնական շուկաները չեն կայացել։
«Առայժմ միասնական շուկաները չեն կայացել, սա այն է, ինչին մենք ձգտում էինք: Բայց կան պայմանավորվածություններ, որ այս գործընթացն իր տեմպերով և բովանդակությամբ ավելի արագ կարող է տեղի ունենալ», – ասաց նա։
Մանրամասները՝ տեսանյութում։
