15.01.2026 | 23:35
Ավարտվել է ՀՀ շախմատի առաջնությունների 3-րդ խաղափուլը․ Զավեն Անդրիասյանը միանձնյա առաջատար է
Նախարար Արշակյանը հանդիպել է ԱՄՆ Հայ Դատի հանձնախմբի նախագահին, Ամերիկայի հայկական համագումարի գործադիր տնօրենին
Քաղաքականություն
07.06.2019 | 21:43
ԱՄՆ այցի շրջանակներում ՀՀ բարձր տեխնոլոգիական արդյունաբերության նախարար Հակոբ Արշակյանը Վաշինգտոնում ՀՀ դեսպանությունում հանդիպել է ԱՄՆ Հայ Դատի հանձնախմբի նախագահ Ռաֆֆի Համփարյանին և Ամերիկայի Հայկական համագումարի գործադիր տնօրեն Բրայան Արդունիին:
Ինչպես տեղեկացրին ՀՀ բարձր տեխնոլոգիական արդյունաբերության նախարարությունից, հանդիպման ընթացքում նախարարը ներկայացրել է բարձր տեխնոլոգիական արդյունաբերության ոլորտում ՀՀ կառավարության առաջնահերթությունները, նորաստեղծ նախարարության խնդիրներն ու նպատակները:
Հակոբ Արշակյանը հակիրճ ներկայացրել է նաև Սիլիկոնյան հովտում տեղի ունեցած հանդիպումների ու քննարկումների մանրամասները՝ մասնավորապես, հայ մասնագետների ու հայկական ծագման ընկերությունների հետ, ընդգծել, որ վերջիններս հսկայական դեր ունեն Սիլիկոնյան հովտում Հայաստանի գիտատար, տեխնոլոգիական ներուժի ներկայացման և ամերիկյան ներդրողներին ՀՀ-ում ներդրումային հնարավորություններին ներկայացնելու առումով:
«Կողմերը քննարկել են ԱՄՆ հայ համայնքի և հայկական կազմակերպությունների միջև հետագա սերտ համագործակցության անհրաժեշտությունը` Հայաստանում բարձր տեխնոլոգիական արդյունաբերության հետագա զարգացման և տարածաշրջանում միանշանակ առաջատար դիրքեր ապահովելու նպատակով»,- նշված է հաղորդագրության մեջ:
