15.01.2026 | 23:35
Ավարտվել է ՀՀ շախմատի առաջնությունների 3-րդ խաղափուլը․ Զավեն Անդրիասյանը միանձնյա առաջատար է
ԵՄ-ն աջակցում է Հայաստանին բարելավել հարաբերություները Ռուսաստանի հետ. Փաշինյան. ՏԵՍԱՆՅՈՒԹ
Քաղաքականություն
07.06.2019 | 18:15
Հայաստանը մնում է այնտեղ, որտեղ կա: Մենք Եվրամիության հետ համագործակցում ենք ներքին բարեփոխումների շուրջ, և ԵՄ-ն բավական շահագրգռված է ՌԴ-ի հետ հարաբերությունները բարելավման հարցում: Այս մասին այսօր պետերբուրգյան տնտեսական համաժողովի հարցուպատասխանի ընթացքում ասաց ՀՀ վարչապետ Նիկոլ Փաշինյանը։
«Ռուս գործընկերների առաջ ԵՄ-ի հետ մեր հարաբերությունները թափանցիկ են, ԵՄ գործընկերների առաջ ՌԴ-ի հետ հարաբերությունները՝ նույնպես»,- ընդգծեց Փաշինյանը:
Նրա խոսքով՝ այսօր շատերն են հասկացել, որ աշխարհաքաղաքական խաղերը ոչ ոքի օգուտ չեն բերում, հատկապես այն երկրներին ու ժողովուրդներին, որոնք իսկական աշխարհաքաղաքական խաղադաշտ են դարձել։
«Հայաստանի դիրքորոշումը շատ հստակ է. մենք չենք պատրաստվում աշխարհաքաղական խաղերի մեջ մտնել, այլ պատրաստվում ենք զարգացնել հարաբերությունները ՌԴ-ի հետ և նպաստել, որպեսզի մեր ու մեր գործընկերների հարաբերություններն ավելի լավանան»,- նշեց ՀՀ վարչապետը։
Փաշինյանը հավելեց, որ թեպետ Հայաստանի ունեցած գործիքներն այնքան էլ հզոր չեն, Երևանը կփորձի իր ներդրումն ունենալ գլոբալ անվտանգության, կայուության և համագործակցության մեջ:
Մանրամասները՝ տեսանյութում:
Նելլի Մելքոնյան
