08.11.2026 | 17:40
Երևանում 29-ամյա երիտասարդ է դանակահարվել և մահացել․ կասկածյալը ձերբակալվել է
Ռասիզմի և անհանդուրժողականության դեմ պայքարի եվրոպական հանձնաժողովը նախազգուշացրել է Թուրքիային
Քաղաքականություն
07.06.2019 | 17:57
Ռասիզմի և անհանդուրժողականության դեմ պայքարի եվրոպական հանձնաժողովը (ECRI) նախազգուշացրել է Թուրքիային, որ Մարդու իրավունքների և իրավահավասարության կազմակերպության անդամները չպետք է նշանակվեն իշխանությունների կողմից, այլ պետք է լինեն անկախ փորձագետներ. գրում է ermenihaber-ը:
Եվրախորհրդի ենթակայությամբ գործող հանձնաժողովը երկու տարի առաջ Թուրքիայի վերաբերյալ զեկույց էր հրապարակել, որտեղ մատնանշել էր այն խնդիրները, որոնք առկա են Թուրքիայում և ընդգծել դրանք վերացնելու անհրաժեշտությունը։
Սակայն հանձնաժողովն արձանագրել է, որ երկու տարի անց էլ այդ ուղղությամբ ոչինչ չի արվել և Թուրքիան չի կատարել իր պարտավորությունները, չի վերացրել զեկույցում նշված խնդիրները, բացթողումներն ու թերացումները։
