05.11.2024 | 11:45
Մենք աջակցում ենք հարաբերություններում նոր էջ բացելու՝ Ադրբեջանի և Հայաստանի ձգտումներին. Տոկաև
Նիկոլ Փաշինյանը հույս ունի Մոսկվայի հետ ընդհանուր հայտարարի գալ գազի սակագնի հարցում
Տնտեսություն
07.06.2019 | 15:41
ՀՀ վարչապետ Նիկոլ Փաշինյանը հունիսի 6-ին ՌԴ նախագահ Վլադիմիր Պուտինի հետ հանդիպման ժամանակ գազի սակագնի հարցն է քննարկել: Այս մասին Փաշինյանն ասել է ՌԻԱ Նովոստիին տված հարցազրույցում:
«Դա իսկապես շատ կարևոր հարց է մեր հարաբերությունների համար, քանի որ, կարծում եմ, այդ հարցը մենք քննարկում ենք նաև ԵՏՄ-ի շրջանակում: Կարծում եմ, որ հարկավոր է հասկանալ այդ հարցի բոլոր նրբությունները, քանի որ, Ռուսաստանի նախագահի հետ հանդիպման ժամանակ նշեցի, մենք շատ լավ տնտեսական դինամիկա ունենք»,- հայտարարել է Նիկոլ Փաշինյանը:
Նա նշել է, որ առաջին եռամսյակի արդյունքներով՝ Հայաստանում տնտեսական աճի ցուցանիշը կազմել է 7.1%:
«Սա ցույց է տալիս, որ մենք տնտեսական բեկում արձանագրելու լավ հնարավորություններ ունենք: Մենք դա կոչում ենք տնտեսական հեղափոխություն: Եվ շատ կարևոր է, որպեսզի մենք կարողանանք գազի այնպիսի սակագին համաձայնեցնել, որ այն չկոտրի մեր տնտեսություն առկա տեմպը: Եվ ես հույս ունեմ, որ ընդհանուր լեզու կգտնենք, քանի որ Ռուսաստանի հետ ոչ սովորական հարաբերություններ ունենք: Մեր հարաբերությունները ռազմավարական են, և ես կարծում եմ, որ հարկավոր է նաև լուծել գազի գնի ռազմավարական հարցը»,- ընդգծել է ՀՀ վարչապետը:
