30.04.2026 | 23:18
ՀՀ 4 քաղաքում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
«Իշխող կուսակցության փոխնախագահը հայերին ու հույներին կոտորած թուրք ոստիկանին համարում է իր պապը». Կարո Փայլան
Քաղաքականություն
06.06.2019 | 15:07
Թուրքիայի ընդդիմադիր քրդամետ «Ժողովուրդների դեմոկրատական» կուսակցության հայ պատգամավոր Կարո Փայլանն արձագանքել է Թուրքիայի իշխող «Արդարություն և զարգացում» (ԱԶԿ-AKP) կուսակցության փոխնախագահ Նուրեթթին Ջանիքլիի սկանդալային հայտարարությանը. գրում է ermenihaber-ը:
Ջանիքլին գովերգել էր թուրք ոստիկան Թոփալ Օսման Աղայի իրականացրած կոտորածները քեմալական շարժման ժամանակ: Այդ ջարդերին զոհ էին գնացել բազմաթիվ պոնտոսցի հույներ, հայեր և քրդեր։
«Նուրեթթին Ջանիքլիի կողմից գովերգվող Թոփալ Օսմանը մի ավազակախմբի ղեկավար էր, որը կոտորել էր Սև ծովի հույներին և հայերին, ինչպես նաև Քոչգիրում ապրող քրդերին։ Իսկ Տրապիզոնի պատգամավոր Ալի Շյուքրու Բեյին սպանելու համար խորհրդարանը նրա նկատմամբ մահապատժի որոշում էր կայացրել։ ԱԶԿ-ական Ջանիքլին, ոճրագործին և ավազակին համարում է իր պապը», -ասել է հայ պատգամավորը։
Նշենք, որ Ջանիքլին նախկինում զբաղեցրել է Թուրքիայի պաշտպանության նախարարի պաշտոնը։
